Главная » 2020 » Iyun » 24 » Tramp yodgorliklarni buzayotganlarni 10 yilga qamash bilan tahdid qildi

---

21:36 Tramp yodgorliklarni buzayotganlarni 10 yilga qamash bilan tahdid qildi

AQSh prezidenti Donald Tramp davlat organlariga yodgorliklar va boshqa federal mulklarga zarar yetkazayotganlarning barchasini qo‘lga olish va ularni 10 yilgacha ozodlikdan mahrum etib jazolashga ruxsat berdi. Bu haqda Amerika yetakchisi o‘zining Twitter’dagi sahifasi orqali ma’lum qildi. "Men federal hukumatga vandalizm bilan shug‘ullanayotgan, yodgorliklar, haykallar va AQShning boshqa federal mulklarini buzayotganlarning barchasini hisbga olish va ularni veteranlarning yodgorliklarini saqlash to‘g‘risidagi hamda ushbu masalaga tegishli boshqa qonunlarga muvofiq 10 yilgacha ozodlikdan mahrum etishga ruxsat berdim”, — deb yozadi Tramp. AQSh prezidentining ta’kidlashicha, mazkur qaror hozirda kuchga kirgan. Uning so‘zlariga ko‘ra, yangi qoidadan eski sana bilan foydalanishga ruxsat berilgan. Eslatib o‘tamiz, may oyi oxirida afroamerikalik Jorj Floydni Minneapolisda politsiya xodimlari qo‘lga olgan va ko‘chada bir nafar xodim tomonidan tizza bilan bo‘g‘ib qiynoqqa solingan, yakunda Floyd kasalxonada vafot etgan. Uning o‘limi AQSh hamda Yevropada irqchilik va ijtimoiy tengsizlik muammolariga qarshi norozilik namoyishlarining boshlanishiga turtki bo‘ldi. AQShdagi Black Lives Matter ("Qora tanlilarning hayoti muhim”) harakati o‘z aksiyalari davomida qulchilik va rasizmga aloqadorligi taxmin qilingan tarixiy shaxslarning haykallarini buzib tashlash yoki qulatish harakatlarini amalga oshirmoqda. Minnesota shtatidagi Sent-Pol shahrida Xristofor Kolumb haykali shunday hujumga uchragan. Massachusetsdagi Boston shahrida esa Amerika qit’asi ochgan sayohatchining boshi sindirib tashlandi. Richmondda Amerika konfederativ shtatlari prezidenti Jefferson Devisning haykaliga vandallar tomonidan zarar yetkazilgan. Belgiya, Buyuk Britaniya, Fransiya kabi davlatlarda ham quldorlik ramzi hisoblangan tarixiy shaxslarning haykallari vandalizm qurboni bo‘lmoqda.

1 2 3 4 5 Категория: Har-Hil | Просмотров:584 | Добавил: moderator | Теги: yangilik | Рейтинг: 0.0/0

Всего комментариев: 0