Главная » 2020 » Fevral » 19 » Tramp Twitter’dagi chiqishlari AQSh bosh prokurori ishiga xalaqit berayotganini tan oldi

---

16:23 Tramp Twitter’dagi chiqishlari AQSh bosh prokurori ishiga xalaqit berayotganini tan oldi

AQSh prezidenti Donald Tramp Twitter’dagi chiqishlari mamlakat bosh prokurori Uilyam Barrning ishiga xalaqit berishi mumkinligini tan oldi. Bu haqda "RIA Novosti” xabar bermoqda. "Men chindan ham uning ishini qiyinlashtiryapman, bunga qo‘shilaman. Biroq prezidentning ko‘rib chiqilayotgan jinoiy ishlarga aralashishga to‘liq vakolati bor”, — dedi Tramp. Oldinroq Barr ABC News telekompaniyasiga bergan intervyusida prezident o‘z tvitlari bilan unga ishlashda xalaqit berayotganidan noligandi. Bosh prokuror Trampning og‘aynisi Rojer Stoun ishi bo‘yicha qator bayonotlaridan so‘ng shunday munosabat bildirdi. Prokurorlar sudga Stounni 7 yildan 9 yilgacha bo‘lgan muddatga qamoq jazosi tayinlashni taklif qilgandi. Biroq Tramp Twitter’da buni adolatsiz deb aytganidan so‘ng adliya vazirligi mazkur talablarga qo‘shilmasligini bildirdi. Ma’lumot uchun, Rojer Stoun kongressga qasamyod ostidagi ko‘rsatmalar davomida yolg‘on ishlatganlik va kongress tekshiruviga qarshilik qilishda ayblangandi.

1 2 3 4 5 Категория: Har-Hil | Просмотров:328 | Добавил: moderator | Теги: yangilik | Рейтинг: 0.0/0

Всего комментариев: 0