Главная » 2020 » Iyun » 22 » Tramp ishchi vizasiga nisbatan cheklovlar o‘rnatilishi mumkinligini tasdiqladi

---

09:51 Tramp ishchi vizasiga nisbatan cheklovlar o‘rnatilishi mumkinligini tasdiqladi

AQSh prezidenti Donald Tramp xorijlik ishchilarning vizalari bo‘yicha yaqin vaqt ichida cheklovlar qo‘llanishi mumkinligini tasdiqladi. Bu haqda Fox News telekanali xabar bergan. Avvalroq CNBC telekanali AQSh hukumatidagi manbalariga tayanib, Tramp administratsiyasi vaqtinchalik ishchi vizalarining berilishini to‘xtatishni ko‘rib chiqayotganini xabar qilgandi. Telekanal xabariga ko‘ra, bu boradagi farmon madaniyat va ilmiy dasturlar doirasidagi ishtirokchilarga yangi viza berish, jumladan, J-1’ga taalluqli bo‘lishi mumkin. U avval berilgan ushbu turdagi vizalarga ta’sir qilmaydi. Ayrim kompaniyalarga esa bu borada istisno qilishga ruxsat berilishi ko‘zda tutilgan. "O‘zimizda ham ish izlayotganlar yetarlicha. Vizalar borasidagi hujjat loyihasini ertaga yoki indinga e’lon qilamiz. Menimcha, bu qaror AQShdagi ko‘plab odamlarni xursand qiladi. Bu eng to‘g‘ri yo‘l bo‘lishi mumkin”, – degan Tramp Fox News’ga bergan intervyusida. Jurnalistlarning tafsilotlar borasida bergan savoliga AQSh yetakchisi amerikaliklarning mazkur hujjatning qabul qilinishidan mamnun bo‘lishini aytish bilan cheklangan. Avval aprel oyida Trampning AQShga ishchi vizasi bilan borishni taqiqlamoqchi ekani, avvaldan mamlakatda mazkur viza bilan ishlaganlar o‘z o‘rniga munosibligini isbotlashi lozimligi xabar qilingandi. Bundan tashqari, aprel oxirida Tramp koronavirus pandemiyasi sharoitida ish o‘rinlarining tanqisligi tufayli AQShga xorijdan immigratsiyani vaqtinchalik to‘xtatish haqida farmonni imzolagan. AQSh prezidentining aytishicha mazkur cheklov Green Card yutishni maqsad qilganlarga taalluqli. Tramp immigratsiyani ikki oyga vaqtincha to‘xtatishi, muddat tugagach farmon uzaytirilishi yoki taqiq bekor qilinishi aytilgandi.

1 2 3 4 5 Категория: Har-Hil | Просмотров:418 | Добавил: moderator | Теги: yangilik | Рейтинг: 0.0/0

Всего комментариев: 0