Tramp GM'ni qattiq tanqid qildi - 28 Марта 2020 - www.Nozim-Studio.com

Главная » 2020 » Mart » 28 » Tramp GM'ni qattiq tanqid qildi

19:46 Tramp GM'ni qattiq tanqid qildi
AQSH Prezidenti Donald Tramp kecha, 27 mart kuni Amerikaning General Motors (GM) kompaniyasini qattiq tanqid qildi. Prezidentning aytishicha, kompaniya koronavirus tarqalish fonida juda zarur bo‘lgan kislorod ventilyatorlarini ishlab chiqarishda orqada qolyapti. "Ular bizga juda zarur bo‘lgan 40 000 ta kislorod ventilyatorni "juda tez" tayyorlab berishni ma’lum qilgandi. Endi esa ushbu mahsulotdan aprel oyi oxirigacha atigi 6000 ta ishlab chiqarishni aytishmoqda. Yana bular maksimal darajada ko‘p pul olishni istashadi", deydi Tramp "Twitter" sahifasida. Shuningdek, Prezident kompaniyaning bosh direktori Meri Barraga ishlab chiqarishni o‘z qo‘liga olishni aytib tahdid qildi. Ya’ni, AQSHda ushbu imkoniyatni beradigan Mudofaa sanoati to‘g‘risidagi qonun bo‘lib, unga ko‘ra, favqulodda holatlarda Prezidentga kompaniyalarning qanday mahsulot ishlab chiqarishni belgilash huquqi beriladi. Mudofaa sanoati to‘g‘risidagi qonun 1950 yilda qabul qilingan. Qonun, dastlab, Koreya urushi boshlangan paytda imzolangan. Tramp uni joriy yilning 25 mart kuni qayta faollashtirdi. Trampning ta’kidlashicha, GM darhol "ahmoqona tarzda to‘xtatib qo‘ygan" Ogayo shtatidagi Lordstaun zavodini yoki boshqa zavodni ishga tushirishi kerak va hoziroq kislorod ventilyatorlarini ishlab chiqarishni boshlashi lozim. Shuningdek, u "Ford" kompaniyasiga ham ushbu mahsulotlarni ishlab chiqarishni buyurdi. "FORD, VENTILYATORLARNI ISHLAB CHIQARISHNI BOSHLA, TEZROQ!!!" deb yozgan Tramp. Hozirda ushbu tibbiy asbob-uskunalar juda muhimdir. Chunki koronavirus odamning nafas olish yo‘llarini yallig‘lantirib, pnevmoniya hosil qiladi. Ushbu jarayonda odamning nafas olishi qiyinlashadi. Bu o‘limga ham olib kelishi mumkin. Kislorod ventilyatori esa o‘pkaga havoni mexanik ravishda kiritib chiqaradi. So‘nggi ma’lumotlarga ko‘ra, AQSHda koronavirus bilan bog‘liq 104 837 ta holat aniqlangan. Kasallanganlarning 1 711 nafari vafot etgan, 894 nafari esa sog‘ayib ketgan.
1 2 3 4 5 Категория: Har-Hil \| Просмотров:566 \| Добавил: moderator \| Теги: yangilik \| Рейтинг: 0.0/0