Главная » 2020 » Aprel » 16 » Tramp AQShda koronavirusning eng yuqori cho‘qqisi ortda qolganini ma’lum qildi

---

11:06 Tramp AQShda koronavirusning eng yuqori cho‘qqisi ortda qolganini ma’lum qildi

AQSh prezidenti Donald Tramp Oq uydagi chiqishi davomida o‘zidagi ma’lumotlarga tayanib, mamlakat koronavirus bilan kasallanish bo‘yicha eng yuqori cho‘qqini ortda qoldirganini ma’lum qildi. "Kurash davom etmoqda, biroq ma’lumotlarga ko‘ra mamlakat koronavirus bilan kasallanish bo‘yicha yangi holatlarning eng yuqori cho‘qqisidan o‘tib oldi”, — deydi Tramp. Uning ta’kidlashicha, vaziyatning yaxshilanishi hukumatga pandemiya sabab joriy etilgan cheklovlarni bekor qilish bo‘yicha tavsiyalar berish borasida bir qarorga kelishga yordam beradi. "Biz bu haqda 16-aprel kuni gaplashamiz. Matbuot anjumani o‘tkazib, kunning ikkinchi yarmida tavsiyalarni e’lon qilamiz”, — deydi prezident. Shuningdek, Tramp 16-aprel kuni vitse-prezident Maykl Pens bilan birga shtatlar gubernatorlari bilan ham gaplashishini ma’lum qilgan. Shtatlarning ayrimlari avvalroq e’lon qilingan muddat — 1-maydan ko‘ra ertaroq ochilishi mumkin. "Barcha shtatlarda vaziyat turlicha. Ayrimlarida muammo kam bo‘lsa, boshqalari esa shu qadar yaxshi ishladiki, muammolari deyarli yo‘q”, — deya oydinlik kiritadi AQSh prezidenti. 15-aprel kuni AQShda koronavirus qurbonlari soni bo‘yicha kunlik antirekord yangilandi — bir sutkada 2,2 mingdan ortiq bemor vafot etdi. AQSh prezidenti Donald Tramp Jahon sog‘liqni saqlash tashkilotini moliyalashtirish to‘xtatilganini e’lon qildi. Amerika yetakchisining fikricha, tashkilot o‘zining asosiy vazifasini bajara olmagan va buning uchun javob berishi kerak. So‘nggi ma’lumotlarga ko‘ra, AQShda koronavirus qurbonlari soni 30 ming kishidan oshib ketdi, kasallikni yuqtirib olganlar esa 640 ming kishiga yaqinlashmoqda.

1 2 3 4 5 Категория: Har-Hil | Просмотров:543 | Добавил: moderator | Теги: yangilik | Рейтинг: 0.0/0

Всего комментариев: 0