Главная » 2021 » Dekabr » 4 » Toshkentdagi uylar devorida giyohvand moddalar reklamasi yozuvlarini qoldirish bilan shug‘ullangan ayol javobgarlikka tortildi

---

22:23 Toshkentdagi uylar devorida giyohvand moddalar reklamasi yozuvlarini qoldirish bilan shug‘ullangan ayol javobgarlikka tortildi

Toshkent shahrining Uchtepa tumanida ko‘p qavatli uylar devorida giyohvand moddalar reklamasi yozuvlarini qoldirish bilan shug‘ullangan ayol jarimaga tortildi. Bu haqda poytaxt IIBB axborot xizmati xabar berdi. Ma’lum qilinishicha, 25-noyabr kuni jinoyat ishlari bo‘yicha Uchtepa tuman sudining onlayn tarzda o‘tkazilgan yig‘ilishida 1990-yilda tug‘ilgan fuqaro K.Z.ning ma’muriy javobgarlik haqidagi ishi ko‘rib chiqilgan. Aniqlanishicha, K.Z. internetdan pul evaziga "rasm chizish” haqidagi e’lonni topib, tumanning 23-mavze "Farhod” mahallasida joylashgan ko‘p qavatli uylarning devoriga giyohvand moddalarni tatbiq qiluvchi internet saytlarining reklamasi yozuvlarini chizgan. Profilaktika inspektorlari fuqaroga bu ishlarni qilmasligi va yozuvlarni o‘chirib tashlashi bo‘yicha oldin ogohlantirish berganiga qaramay, K.Z. o‘z faoliyatini davom ettirib kelgan. Shu sababli ushbu fuqaroga nisbatan tegishli hujjatlar rasmiylashtirilib, qonuniy qaror qabul qilishlik uchun jinoyat ishlari bo‘yicha Uchtepa tuman sudiga yuborilgan. Sudda fuqaro K.Z. ichki ishlar xodimining talabini bajarmagani sababli aybdor deb topilgan va unga nisbatan Ma’muriy javobgarlik to‘g‘risidagi kodeksning 194-moddasi (ichki ishlar organlari xodimining qonuniy talablarini bajarmaslik) 1-qismi bilan BHMning 2 baravari (540 ming so‘m) miqdorida jarima tayinlangan. Eslatib o‘tamiz, so‘nggi yillarda giyohvand moddalar to‘g‘risida reklama vaqti-vaqti bilan Toshkentning turli tumanlarida paydo bo‘layotgani haqida xabar berilgan edi. Xususan, Toshkentdagi uylar devorida giyohvand moddalar reklamasi yozuvlarini qoldirish bilan shug‘ullangan ikki yigit 6-aprel kuni ushlangan, internetda giyohvand moddalar reklamasi joylashtirilgan 50 dan ortiq resurs o‘chirilgandi.

1 2 3 4 5 Категория: Har-Hil | Просмотров:309 | Добавил: moderator | Теги: yangilik | Рейтинг: 0.0/0

Всего комментариев: 0