Главная » 2020 » Fevral » 27 » Toshkentdagi “Imom Termiziy” masjididagi holat yuzasidan rasmiy bayonot berildi

---

16:44 Toshkentdagi “Imom Termiziy” masjididagi holat yuzasidan rasmiy bayonot berildi

Ijtimoiy tarmoqda Toshkentdagi "Imom Termiziy” masjidi imom-xatibi Is’hoqjon domla Begmatov bilan bog‘liq turli gap-so‘zlar tarqaldi. Tarmoqda tarqalgan videoda aytilishicha, imom masjiddagi namozxonlardan biriga hammaning oldida "bemazhab vahobiylarning bitta namoyondasi” deb tanbeh bergan. Ziddiyatli tortishuvga imomning O‘zbekiston masjidlarida farz namozidan keyin sunnat namozini ham shu joyda o‘qilishi haqidagi gapi sabab bo‘lgan. "Xohlasangiz ustimdan shikoyat qilishingiz mumkin ‘Namozni o‘qimasdan amru ma’ruf qilyapti’ deb. Shunaqa buyruq bor. Bu buyruq allaqachon kelib bo‘lgan. Bu o‘rinda ixtilof chiqaraman degan odamning o‘ziga zarar bo‘ladi… Marhamat, uyingizga kiringda xohlasangiz ‘Amin’ deb baqirib butun ‘podyezd’ni ko‘tarvoring. Lekin masjidga chiqqanda bu yerda qanaqa hukm borligini bilasiz”, — degan Is’hoqjon domla Begmatov. Shuningdek, imom bekorga masjidning har burchagiga kuzatuv kamerasi qo‘yilmagani, kim qanday namoz o‘qiyotgani, nima gap gapirayotgani, qanday kirib chiqayotgani — hammasi kuzatuv ostida ekanligini bildirgan. i Internet foydalanuvchilari tomonidan imom-domlaning aytgan gaplarini turlicha talqin qilish holatlari kuzatilayotgani sababli Din ishlari bo‘yicha qo‘mita matbuot xizmati ushbu masala bo‘yicha rasmiy munosabat bildirdi. Ushbu masalaga oydinlik kiritish maqsadida quyidagi ikki jihatga e’tiboringizni qaratmoqchimiz: Birinchidan, bugungi kunda masjidlarda ibodat masalasida turli tushunmovchilik keltirib chiqarayotganlar uchramoqda. Shuningdek, ijtimoiy tarmoq sahifalari orqali odamlarni mazhabsizlikka chaqirayotganlar ham kuzatilmoqda. Aslida Is’hoqjon domla ahli ilmlar va yurtimizdagi boshqa imom-xatiblar diyorimizda azaldan meros bo‘lib kelayotgan, xalqimizning qon-qoniga singib ketgan bir nechta sunnatlarning yo‘q bo‘lib ketishiga qarshi kurashmoqdalar. Namozdan keyingi zikr va duolar, Qur’oni karim tilovatini eshitish, namozxonlar oldini kesib o‘tmaslik va hokazolar shular jumlasidandir. Afsuski, bugun ushbularni bajarish o‘rniga eshikka qarab oshiqayotganlar ham yo‘q emas. Imom-domlaning maqsadi ham bir masjidda, bir safda turib namoz o‘qiyotganlar orqasida tafriqa kelib chiqmasligini oldini olish bo‘lib, jamoatni bizning diyorimizda mavjud bo‘lgan ananaviy hanafiy mazhabiga ergashishga chaqirmoqda va aholini birlikka chorlamoqda, bu tahsinga loyiq. Ikkinchidan, imom-domlaning go‘yoki masjidlarda o‘rnatilgan kuzatuv kameralari namozxonlarni nazorat qilib turgani haqidagi gaplari esa mutlaqo asossiz hisoblanadi. Ma’lumki, butun dunyo miqyosida kuzatuv kameralari odamlar va muayyan obyektlarning xavfsizligini ta’minlash maqsadida o‘rnatiladi. Misol uchun, Makka va Madina shaharlaridagi "Masjidul haram” va "Masjidun Nabaviy”da ham kuzatuv kameralari ziyoratchilar va muqaddas joylarning xavfsizligini ta’minlash maqsadida 24 soat davomida ishlab turadi. Shunday ekan, yurtimiz masjidlaridagi kuzatuv kameralari ham aynan namozxonlar va masjidlar xavfsizligini ta’minlash uchun o‘rnatilgan. Buni boshqacha talqin qilish – noto‘g‘ri tushunishdan boshqa narsa emas. Din ishlari bo‘yicha qo‘mita matbuot xizmati Shuningdek, qo‘mita fuqarolardan mazkur holatni to‘g‘ri tushunishni, ijtimoiy tarmoqlardagi har xil asossiz va bo‘hton gap-so‘zlarga e’tibor qaratmaslikni so‘ragan.

1 2 3 4 5 Категория: Har-Hil | Просмотров:546 | Добавил: moderator | Теги: yangilik | Рейтинг: 0.0/0

Всего комментариев: 0