Bugun, 12 dekabrda poytaxtimizda "Yoshlar haftaligi”ga start berildi. 17 dekabrga qadar o‘tkaziladigan haftalik bu yil "Ertangi kun bizniki, marra bizniki” shiori ostida tashkil etildi. Bu haqda "Kamolot” yoshlar ijtimoiy harakati Matbuot xizmati xabar qildi.
"Yoshlar haftaligi” bir necha yo‘nalishdagi yirik loyihalardan iborat. Ular quyidagicha tartibda joylashgan:
"PROlogue” – yosh kinoijodkorlarning qisqa metrajli filmlari II Respublika festivali
"Tafakkur sinovlari” Respublika tanlovining final bosqichi
"Quvnoqlar va zukkolar” tanlovining final bosqichi
Talabalar teatr studiyalari festivali
Yoshlar modasi va dizayn festivali
"Yangi nigoh” videoroliklar tanlovi g‘oliblarini taqdirlash marosimi
"O‘zbekiston belgisi” ko‘krak nishoni sovrindorlarini taqdirlash marosimi
"MIT.UZ” loyihasi doirasidagi tanlovlar g‘oliblarini taqdirlash marosimi
12 dekabrda O‘zbekiston davlat san'at va madaniyat institutida talabalarning teatr studiyalarining spektakl namoyishlari bilan "Yoshlar haftaligi” o‘z ishini boshladi.
Festivalda Toshkentdagi oliy ta'lim muassasalari talabalari bilan birgalikda Namangan, Navoiy, Qashqadaryo viloyatlari va Qoraqalpog‘iston Respublikasining Nukus shahri talabalari ham o‘z chiqishlari bilan ishtirok etishdi.
Yosh talabalar tomonidan sahnalashtirilgan spektakllar O‘zbekiston va Qoraqalpog‘iston xalq artisti Muhammadali Abduqunduzov, O‘zbekistonda xizmat ko‘rsatgan artist Mahmud Ismoilov, San'atshunoslik fanlari doktori Jo‘ra Mahmudov tomonidan baholab borildi.