Главная » 2023 » Mart » 11 » Toshkentda sodir bo‘lgan YTHda ikki kishi halok bo‘ldi

---

21:36 Toshkentda sodir bo‘lgan YTHda ikki kishi halok bo‘ldi

Toshkent shahri Olmazor tumanida 11-mart kuni uchta mashina ishtirokida yo‘l-transport hodisasi sodir bo‘ldi. Bu haqda poytaxt Yo‘l harakati xavfsizligi bosh boshqarmasi axborot xizmati xabar berdi. Qayd etilishicha, soat 13:00 da Ahmad Donish ko‘chasidagi Taxtapul ko‘prigi ustida haydovchi 2002-yilda tug‘ilgan S.Y. Changan avtomashinasini boshqarib ketayotib, yo‘l chetida to‘xtab turgan Matiz bilan to‘qnashuv sodir etgan. Shundan so‘ng haydovchi mashina boshqaruvini yo‘qotib, Cobalt’ga urilgan. YTH oqibatida Matiz avtomashinasi yo‘lovchilari: 1984-yilda tug‘ilgan T.A. hamda 2002-yilda tug‘ilgan A.G‘. olgan tan jarohatlari oqibatida voqea joyida vafot etgan. Mazkur holat yuzasidan Toshkent shahri IIBB Tergov boshqarmasi tomonidan Jinoyat kodeksining 266-moddasi 3-qismi bilan jinoyat ishi qo‘zg‘atilgan. Tergov davom etmoqda.

1 2 3 4 5 Категория: Har-Hil | Просмотров:40 | Добавил: moderator | Теги: yangilik | Рейтинг: 0.0/0

Всего комментариев: 0