Главная » 2022 » Yanvar » 4 » Toshkentda mast haydovchi boshqaruvidagi Matiz qarshisidagi ikki mashina bilan to‘qnashdi. Oqibatda 7 nafar fuqaro kasalxonaga yotqizildi

---

23:31 Toshkentda mast haydovchi boshqaruvidagi Matiz qarshisidagi ikki mashina bilan to‘qnashdi. Oqibatda 7 nafar fuqaro kasalxonaga yotqizildi

Toshkent shahri Yashnobod tumanida 1-yanvar kuni uchta mashina ishtirokida yo‘l-transport hodisasi sodir bo‘ldi. Bu haqda shahar Ichki ishlar bosh boshqarmasi xabar qildi. Ma’lum qilinishicha, YTH shu kuni soat 17:15 atrofida Maxtumquli ko‘chasida sodir bo‘lgan. Spirtli ichimlik ta’sirida bo‘lgan Matiz haydovchisi S.N. (1967-yilda tug‘ilgan) boshqaruvni yo‘qotib, qarama-qarshi yo‘nalish bo‘ylab harakatlanib kelayotgan E.R. (1991-yilda tug‘ilgan)ga tegishli Nexia-2 va R.K. (1983-yilda tug‘ilgan)ning Nexia-2 avtomobillari bilan to‘qnashib ketgan. Oqibatda 7 nafar fuqaro tan jarohati olgan. Bular: haydovchi R.K. — bosh miya yopiq jarohati, BMCh, chap boldir suyagining yopiq sinishi, oyoqning to‘piq qismi yopiq sinishi tashxisi bilan; voyaga yetmagan 7-sinf o‘quvchisi Z.T. (2009-yilda tug‘ilgan) — bosh miya yopiq jarohati, BMCh tashxisi bilan; voyaga yetmagan 2-sinf o‘quvchisi F.K. (2012-yilda tug‘ilgan) — peshona teri qismi yirtilgan jarohati, bosh miya yopiq jarohati, BMCh tashxisi bilan; voyaga yetmagan bog‘cha tarbiyalanuvchisi I.K. (2017-yilda tug‘ilgan) — boshning yuqori qismining yirtilgan jarohati, bosh miya yopiq jarohati, BMCh, chap oyoq boldir suyagi yopiq sinishi tashxisi bilan; voyaga yetmagan O.K. ismli chaqaloq (2021-yilda tug‘ilgan) — travmatik shok tashxisi bilan; yo‘lovchi F.K. (1987-yilda tug‘ilgan) — chap oyoq ochiq sinib siljishi tashxisi bilan; Matiz haydovchisi S.N. — bosh miya yopiq jarohati, BMCh, o‘ng boldir suyagining ochiq sinib siljishi, ko‘plab shilinmalar, mastlik holati tashxisi bilan. Jabrlanganlar kasalxonaga yotqizilgan. Ularga har tomonlama tibbiy yordam ko‘rsatilgan. Holat yuzasidan Jinoyat kodeksining 266-moddasi (transport vositalari harakati yoki ulardan foydalanish xavfsizligi qoidalarini buzish) 1-qismi bilan jinoyat ishi qo‘zg‘atilgan. Hozirda tergov harakatlari olib borilmoqda.

1 2 3 4 5 Категория: Har-Hil | Просмотров:338 | Добавил: moderator | Теги: yangilik | Рейтинг: 0.0/0

Всего комментариев: 0