Главная » 2017 » Aprel » 13 » Toshkentda maktab o‘quvchisini zo‘rlamoqchi bo‘lgan pedofil qo‘lga olindi

---

22:24 Toshkentda maktab o‘quvchisini zo‘rlamoqchi bo‘lgan pedofil qo‘lga olindi

Toshkent shahar Ichki ishlar bosh boshqarmasi xodimlari tomonidan poytaxtda yana bir pedofil ushlandi. Bu haqda Toshkent shahar Ichki ishlar bosh boshqarmasi boshlig‘i o‘rinbosari Doniyor Toshxo‘jayev bugun, 13 aprel kuni bo‘lib o‘tgan brifingda ma'lum qildi.   Joriy yilning 8 aprel kuni Toshkent shahar Uchtepa tumanida soat 20:30 atrofida noma'lum shaxs o‘zining Matiz rusumli avtomobiliga yo‘lovchi sifatida o‘tirgan maktab o‘quvchisiga nisbatan zo‘rlik ishlatib, jinsiy ehtiyojini qondirishga harakat qilgan.   Voyaga yetmagan, maktab o‘quvchisi bo‘lgan qizaloq haydovchiga qarshilik ko‘rsatib, avtomobildan tushib qolgan va atrofdagilarni yordamga chaqirgan.   Ichki ishlar xodimlari tomonidan olib borilgan tezkor harakatlar davomida mazkur jinoyatni Hasan Isayev sodir etgani aniqlangan va avtomobildan maktab o‘quvchisi bo‘lgan qizaloqqa tegishli buyumlar, Nokia rusumida qo‘l telefoni topilgan.   Ayni holat yuzasidan O‘zbekiston Respublikasi Jinoyat kodeksining 25-moddasi orqali 119-moddasi to‘rtinchi qismi, ya'ni 14 yoshga to‘lmagan shaxsga nisbatan jinsiy ehtiyojini zo‘rlik ishlatib, g‘ayritabiiy usulda qondirishga suiqasd alomatlari bilan jinoyat ishi qo‘zg‘atilgan.   Ayni damda Hasan Isayevga nisbatan qamoqqa olish ehtiyot choralari qo‘llanilib, hozirda dastlabki tergov harakatlari olib borilmoqda.   Bundan avval, xuddi shunga o‘xshash holat Toshkent shahrining Olmazor tumanida 20 fevral kuni sodir bo‘lgan edi.   1984 yilda tug‘ilgan, fuqaro Qo‘shmurod Dilmurodovich Bobomurodov Olmazor tumani Sebzor dahasida joylashgan umumiy o‘rta ta'lim maktabining 2-sinf o‘quvchisi, 2009 yilda tug‘ilgan Umidaning (ismi o‘zgartirilgan) yosh va ojizligidan foydalanib, g‘arazli niyatini amalga oshirmoqchi bo‘lgan.   Mazkur holat yuzasidan Olmazor tumani IIB Tergov bo‘limi tomonidan noma'lum shaxsga nisbatan JKning 25, 118-moddasi 4-qismi bilan jinoyat ishi qo‘zg‘atilib, jinoyatchi qo‘lga olingan edi.

1 2 3 4 5 Категория: Har-Hil | Просмотров:2144 | Добавил: Admin | Теги: Toshkentda maktab o‘quvchisini zo‘r | Рейтинг: 0.0/0

Всего комментариев: 0