Главная » 2022 » May » 11 » Toshkent shahrining doimiy aholisi soni ma’lum qilindi

---

07:40 Toshkent shahrining doimiy aholisi soni ma’lum qilindi

2022-yilning 1-aprel holatiga ko‘ra Toshkent shahrida doimiy aholisi soni 2 million 879 ming 800 kishini tashkil etmoqda. Bu haqda poytaxt statistika boshqarmasiga tayanib, Toshkent shahar hokimligi ma’lum qildi. Ma’lum qilinishicha, aholi soni 2022-yil boshidan 17,4 ming kishiga yoki 100,6 foizga ko‘paygan. Shundan: erkaklar soni 1 411 800 kishini, ayollar soni 1 468 000 kishini tashkil etdi. Shahar hududlari kesimida 2022-yilning 1-aprel holatiga ko‘ra, eng ko‘p aholi soni Olmazor tumanida bo‘lib, 387,7 ming kishini, ya’ni shahar aholisi sonidagi ulushi 13,5 foizni tashkil etgan. Shuningdek, Yunusobod tumanidagi aholi 360,9 ming kishi – 12,5 foizdan iborat. Eng kam aholi soni Yakkasaroy tumanida – 124,6 ming kishi (4,3 foiz) va Bektemir tumanida – 51,8 ming kishi (1,8 foiz)ga to‘g‘ri kelmoqda. Eslatib o‘tamiz, 2022-yilning 1-aprel holatiga O‘zbekistonning doimiy aholisi soni 35,4 million kishini tashkil etmoqda. Doimiy aholining 17 607 934 nafari ayollar, 17 825 838 nafari erkaklardir. 1 kilometr kvadrat yer maydoniga o‘rtacha 78,9 nafar doimiy aholi soni to‘g‘ri keladi.

1 2 3 4 5 Категория: Har-Hil | Просмотров:563 | Добавил: moderator | Теги: yangilik | Рейтинг: 0.0/0

Всего комментариев: 0