Главная » 2022 » Sentyabr » 12 » Toshkent shahri va qo‘shni viloyatlarga kirish-chiqish yopilishi haqidagi xabarlar rad etildi

---

18:31 Toshkent shahri va qo‘shni viloyatlarga kirish-chiqish yopilishi haqidagi xabarlar rad etildi

Ijtimoiy tarmoqlarda 12-sentabrdan 13-sentabrgacha o‘tish kechasi — 00:00 dan boshlab Toshkent shahri va qo‘shni viloyatlarga kirish-chiqish yo‘llari yopilishi haqida video tarqalmoqda. Videoda YPX xodimining aytishicha, yo‘llarimiz yopiladi, Toshkent shahriga "stoyanka”lar yopiladi. "Ko‘chalarga chiqib boshqalarga og‘irligiz tushib yurmang. Mashinada uxlab qolib, narsalaringizni ko‘chada o‘g‘irlatib, bola-chaqangizning rizqini qirqmang. Ham iltimos, ham talabim sekin harakatlaringizni qilinglar”, — deydi ichki ishlar xodimi. Holat yuzasidan Ichki ishlar vazirligi matbuot xizmati rahbari Shohrux G‘iyosovning "Daryo”ga ma’lum qilishicha, bu xabarlar noto‘g‘ri. Uning aytishicha, fuqarolardan SHHT sammiti o‘tkazilishi munosabati bilan 14—15—16-sentabr kunlarida Samarqand shahrida rejalashtirilgan sayohatni boshqa kunga qoldirishlari so‘ralgan. Buni YPX xodimlari noto‘g‘ri tushuntirgan. "Hurmatli fuqarolar! Eslatib o‘tamiz, Samarqand shahrida Shanxay hamkorlik tashkilotiga a’zo mamlakatlarning navbatdagi sammiti bo‘lib o‘tadi. Shu munosabat bilan, ayni kunlarda Samarqand shahriga chet mamlakatlardan rasmiy mehmonlar tashrif buyurayotgani hamda tayyorgarlik ishlari olib borilayotganini inobatga olib, xalqaro tadbir bo‘lib o‘tishi arafasida imkon qadar, zarurat bo‘lmasa, 14—15—16-sentabr kunlarida Samarqand shahriga rejalashtirilgan sayohatingizni vaqtincha boshqa kunlarga qoldirishingizni tavsiya qilamiz. Ushbu tadbir jarayonida tez tibbiy yordam va favqulodda holatlarda xizmat ko‘rsatuvchi transport vositalarining harakati cheklanmaydi. Tarixiy ahamiyatga ega, oliy darajadagi uchrashuvni ko‘tarinki kayfiyatda o‘tkazish uchun, yuqorida keltirilgan noqulayliklarni to‘g‘ri baholab, jamoat tartibini saqlash, harakat xavfsizligini ta’minlash maqsadida xizmat olib borayotgan huquq-tartibot xodimlarining ko‘rsatma va tavsiyalarini to‘g‘ri qabul qilib, ularga rioya etishingizni so‘raymiz”, – deydi ichki ishlar vazirligi mas’ul xodimi. Vazirlikning qo‘shimcha qilishicha, fuqarolardan SHHT sammitiga doir barcha o‘zgarishlarni davlat idoralarining rasmiy manbalaridan olishlari so‘raladi.

1 2 3 4 5 Категория: Har-Hil | Просмотров:232 | Добавил: moderator | Теги: yangilik | Рейтинг: 0.0/0

Всего комментариев: 0