Главная » 2018 » May » 14 » Toshkent shahar IIBB: Chilonzordagi avtobusning yonib ketishiga uning yoqilg‘i tizimidagi nosozlik sabab bo‘lgan

---

13:59 Toshkent shahar IIBB: Chilonzordagi avtobusning yonib ketishiga uning yoqilg‘i tizimidagi nosozlik sabab bo‘lgan

Avvalroq, bugun, 14-may kuni Chilonzor tumanida Mercedes rusumli avtobus yonib ketganligi haqida xabar berilgandi. Toshkent shahar IIBB yong‘in nima sababdan yuzaga kelganligiga oydinlik kiritdi. Ma’lum qilinishicha, soat 08:30 da IIBB Yong‘in xavfsizligi boshqarmasiga Chilonzor tumani Zargarlik ko‘chasida 94-yo‘nalish bo‘ylab harakatlanayotgan avtobusning yonib ketgani haqidagi xabar kelib tushgan. Soat 08:34 da voqea joyiga o‘t o‘chirish xizmatining jangovar jamoasi yetib borgan. Soat 08:42 da yong‘in to‘liq bartaraf etilgan. Qurbonlar va jarohat olganlar yo‘q. Yong‘in avtobusning yoqilg‘i tizimida yuzaga kelgan nosozlik sabab kelib chiqqan deya taxmin qilinmoqda va hozirda tekshiruv ishlari olib borilmoqda.

1 2 3 4 5 Категория: Har-Hil | Просмотров:1147 | Добавил: Moderator | Рейтинг: 0.0/0

Всего комментариев: 0