Главная » 2016 » Noyabr » 8 » Toshkent-Andijon va Andijon-Urganch yo‘nalishidagi poyezd chiptalari bahosi qancha?

---

20:56 Toshkent-Andijon va Andijon-Urganch yo‘nalishidagi poyezd chiptalari bahosi qancha?

"O‘ztemiryo‘lyo‘lovchi” AJdan xabar qilishlaricha, Toshkent-Andijon yo‘nalishi bo‘yicha yangi 94/93-sonli tezyurar poyezd 2016 yil 9 noyabrdan haftasiga bir marotaba harakatlanadi. Poyezd Toshkentdan haftaning har chorshanba kuni soat 13:00da jo‘nab ketadi va Andijonga shu kuni soat 19:10da yetib boradi. Andijondan shanba kuni soat 22:15da jo‘nab ketib, Toshkentga yakshanba kuni soat 05:15da yetib keladi.   Temir yo‘l kassasi bilan bog‘lanib, mazkur yo‘nalishdagi poyezdning chipta bahosini aniqlashtirdik. Bu yo‘nalish uchun kupe bahosi 73 000 so‘m. Platskart vagon bahosi esa 51 000 so‘mni tashkil etadi. Shuningdek, Toshkentdan Andijonga har kuni soat 08:05da va 17:20da poyezd jo‘naydi.   "O‘ztemiryo‘lyo‘lovchi” AJ yana bir yo‘nalishni ham yo‘lga qo‘ydi. 2016 yil 10 noyabrdan Andijon-Urganch yo‘nalishi bo‘yicha yangi 393/394-sonli yo‘lovchi poyezdi harakatlanishni boshlaydi. Poyezd Andijondan payshanba kuni soat 08:05da jo‘naydi va Urganchga juma kuni soat 08:00da yetib keladi. Urganchdan juma kuni soat 19:20da  qaytadi va Andijonga shanba kuni soat 19:10da yetib keladi. Mazkur yo‘nalishda bir tomonga chipta bahosi kupe uchun 161 000 so‘m, platskart uchun esa 107 000 so‘mni tashkil etadi.

1 2 3 4 5 Категория: Har-Hil | Просмотров:3485 | Добавил: Admin | Теги: Тошкент-Андижон ва Андижон-Урганч й | Рейтинг: 0.0/0

Всего комментариев: 0