Главная » 2020 » Aprel » 1 » “Tolibon” koronavirusga qarshi kurash bo‘yicha Afg‘onistonda targ‘ibot ishlarini olib bormoqda

---

17:06 “Tolibon” koronavirusga qarshi kurash bo‘yicha Afg‘onistonda targ‘ibot ishlarini olib bormoqda

"Tolibon” harakati vakillari Afg‘onistonning bir qator viloyatlarida, jumladan Luvgar, Vardak, Sari-Pul va Badgis viloyatlarida aholini koronavirusdan ogohlantirish bo‘yicha targ‘ibot kampaniyasini boshladi. Bu haqda "Afganistan.ru” xabar berdi. Ma’lum qilinishicha, "Tolibon” harakati vakillari va tibbiyot xodimlari koronavirus haqida ma’lumot beruvchi materiallar, niqoblar va sovun tarqatmoqda. Mazkur kampaniya "Tolibon” harakati vakillari nazorati ostidagi hududlarda o‘tkazilmoqda. Afg‘oniston Sog‘liqni saqlash vaziri Ferozuddin Feroz "Tolibon” harakatiga uning nazorati ostidagi hududda vazirlik xodimlarining ish olib borishiga imkoniyat bergan uchun minnatdorchilik bildirgan. Vazirlikning hisob-kitobiga ko‘ra, ayni paytda Afg‘oniston aholisining yarmi, ya’ni 16 million kishi koronavirus yuqtirib olish xavfi ostida turibdi. O‘z navbatida, Afg‘oniston mudofaa vaziri vazifasini bajaruvchi Asadulla Xolid "Tolibon” harakatini koronavirus tarqalishiga qarshi kurashish uchun butun mamlakat hududida jangovar harakatlarni to‘xtatishga chaqirgan. Avvalroq, Afg‘oniston sog‘liqni saqlash vaziri Ferozuddin Feroz mamlakatda koronavirus bilan bog‘liq vaziyat eng yomon holatda joriy yilning dekabr oyigacha davom etishi mumkinligini aytgan edi. Ayni paytda Afg‘oniston koronavirusga chalinganlar soni 170 kishiga yetgan. Kasallikdan to‘rt kishi vafot etgan, besh kishi tuzalgan.

1 2 3 4 5 Категория: Har-Hil | Просмотров:556 | Добавил: moderator | Теги: yangilik | Рейтинг: 0.0/0

Всего комментариев: 0