Главная » 2020 » Mart » 28 » “Tolibon” Afg‘onistonning 10 nafar harbiysini o‘ldirdi

---

22:00 “Tolibon” Afg‘onistonning 10 nafar harbiysini o‘ldirdi

Afg‘onistonning shimoli-sharqida "Tolibon”larning qilgan hujumi oqibatida mamlakat xavfsizlik kuchlarining 10 nafar harbiysi halok bo‘ldi, 17 nafari esa izsiz g‘oyib bo‘ldi. Bu haqda "Ariana News” telekanali xabar bermoqda. Telekanal ma’lumotlariga ko‘ra, "Tolibon” harakati bugun, 28 mart kuni ertalab Badaxshon viloyatiga hujum qilgan. Viloyat kengashi a’zosi  Ahmad Javid Mujaddodiyning aytishicha, jangarilar Jurm tumanidagi to‘rtta politsiya postini egallab olgan. O‘n nafar harbiy o‘ldirilgan, uch nafari yaralangan. Yana 17 nafar xavfsizlik xizmati xodimlari bedarak yo‘qolgan. Bundan tashqari, toliblar Yamgan tumanini ham egallab olgan. Avvalroq, "Tolibon” harakati Afg‘oniston hukumati tomonidan tuzilgan delegatsiya bilan muzokara olib borishni rad etgani haqida ma’lum qilgan edik.

1 2 3 4 5 Категория: Har-Hil | Просмотров:632 | Добавил: moderator | Теги: yangilik | Рейтинг: 0.0/0

Всего комментариев: 0