Главная » 2020 » Mart » 8 » TIV Turkmaniston va Eron o‘rtasidagi chegara yopilishi sabab 11 nafar o‘zbekistonlikning chegara punktida qolib ketganini tasdiqladi

---

19:32 TIV Turkmaniston va Eron o‘rtasidagi chegara yopilishi sabab 11 nafar o‘zbekistonlikning chegara punktida qolib ketganini tasdiqladi

O‘zbekistonning Tehron shahridagi Elchixonasi 7-mart, shanba kuni COVID-19 koronavirusi tarqalishining oldini olish maqsadida Turkmaniston va Eron o‘rtasidagi chegara yopilishi sababli 700 ga yaqin haydovchi, jumladan, 11 nafar O‘zbekiston fuqarosi "Lutfobod” va "Saraxs” chegara nazorat-o‘tkazish punktlarida qolib ketgani to‘g‘risida internetda tarqalgan ma’lumotni tasdiqladi. Elchixonaning konsullik bo‘limi 23-fevraldan buyon mazkur fuqarolar bilan doimiy aloqada bo‘lib kelmoqda. Ular transport vositalarini bojxona postlarida qoldirib vatanga qaytishni rad etdi. "O‘zbekistonning Tehron va Ashxobod shaharlaridagi elchixonalari vaziyatni nazoratga olgan hamda ushbu masalani hal qilish uchun Eron va Turkmanistonning tegishli organlari bilan doimiy muloqot olib bormoqda”, — deyiladi TIV Konsullik-huquqiy departamenti axborotida. Eron—Turkmaniston chegarasida qolib ketgan 11 o‘zbekistonlikning Shavkat Mirziyoyevga yordam so‘rab, videomurojaat yo‘llagani haqida xabar berilgandi. Eron—Turkmaniston chegarasi yanvar oyida yopilgan, ushbu voqeadan so‘ng Turkmanistonda Erondan kirib keladigan Coca-Cola va tamaki mahsulotlari yo‘qolib qolgandi.

1 2 3 4 5 Категория: Har-Hil | Просмотров:515 | Добавил: moderator | Теги: yangilik | Рейтинг: 0.0/0

Всего комментариев: 0