Tbilisi hayvonot bog‘i suv toshqining ayanchli oqibatlarini hisoblashda davom etmoqda. Yaqinda cho‘kib, halok bo‘lgan ayiqlarning jasadlari topildi, deya xabar bermoqda Segodnya.ua.Eslatib o‘tamiz, 14-iyunga o‘tar kechasi Tbilisi kuchli suv toshqini ostida qolgandi. Oqibatda zooparkning katta qismi ishdan chiqib, jonivorlarning aksariyati halok bo‘lgandi. Suv toshqini vaqtida hayvonot bog‘idan qochib chiqqan ba’zi yirtqich jonivorlar – bo‘rilar, ayiqlar, sherlar va yo‘lbarslar hali hamon Tbilisi ko‘chalarida kezib yuribdi. Ba’zi jonivorlarni, odamlarga nisbatan tajovuzkorlik ko‘rsatgani uchun, otib o‘ldirishga to‘g‘ri keldi, boshqalarini esa tutib, vaqtinchalik qafaslarga joylashtirildi.