Tayyorlaning! Bugun final! - 26 Мая 2018 - www.Nozim-Studio.com

Главная » 2018 » May » 26 » Tayyorlaning! Bugun final!

09:47 Tayyorlaning! Bugun final!
Kiyevdagi "Olimpiyskiy” stadionida bugun katta o‘yinlardan biri – Yevropa chempionlar ligasining final uchrashuvi bo‘lib o‘tadi. Finalda Yevropaning eng kuchli ikki klubi "Liverpul” va "Real” o‘zaro bahs olib boradi. O‘yinning juda ham qiziq va raqobatga boy bo‘lishi avvaldan taxmin qilinmoqda. Chunki "Liverpul” tarkibida Muhammad Saloh, "Real”da esa Krishtianu Ronaldu kabi gol urishni yaxshi ko‘radigan futbolchilar bugun yana o‘zaro bir-biriga qarshi maydonga tushadi. Madridliklar finalga yo‘llanmani yarim finalda "Bavariya”ga qarshi bo‘lib o‘tgan ikkita uchrashuvdan iborat asabiy to‘qnashuvda (4:3) g‘olib bo‘lib qo‘lga kiritgan bo‘lsa, "Liverpul” unga nisbatan osonroq o‘yinda "Roma”ni yarim finalda chiqarib yuborgan. Final bo‘ladigan "Olimpiyskiy” stadioni 2012 yil Yevropa Chempionati uchun qayta ta'mirlangan bulib, o‘shanda ispanlar final o‘yinida Italiya terma jamoasini 4:0 hisobida dog‘da qoldirgan edi. Maydon o‘rindiqlari 63000 muxlis uchun mo‘jallangan. Serbiyalik, 45 yoshli Milorad Majich final uchrashuvining bosh hakami hisoblanadi. Unga qanotlarda Milovan Ristich va Dalibor Jurjevichlar (barchasi Serbiyadan) yordam beradi. To‘rtinchi hakami sifatida fransiyalik Klemen Tyurpen tayinlangan. Ukraina futbolining yaqin o‘tmishdagi yulduzi Anrey Shevchenko UYEFA tomonidan musobaqa elchisi deb tayinlangan. O‘tgan oy bo‘lib o‘tgan yarim final ishirokchilar o‘rtasidagi qur'a tashlash jarayoni natijasiga ko‘ra, "Real” Madrid final mezboni hisoblanadi. Demak, tayyorlaning bugun bizni soat 23:45 da ajoyib final kutmoqda!
1 2 3 4 5 Категория: Har-Hil \| Просмотров:1275 \| Добавил: Moderator \| Рейтинг: 0.0/0