Главная » 2018 » May » 4 » Tank haydab, yovga tik boqqan buxorolik onaxon xotiralari

---

20:03 Tank haydab, yovga tik boqqan buxorolik onaxon xotiralari

O‘zMTDP Buxoro viloyat Kengashi "Ayollar qanoti” va "Yoshlar qanoti” tomonidan joylarda 9 may – "Xotira va qadrlash” kuni munosbati bilan qator tadbirlar tashkil etildi. Bu haqda partiya Matbuot xizmati xabar qildi.   Xususan,  Oliy Majlis Qonunchilik palatasi deputati Jahongir Shirinov partiya viloyat,  tuman Kengashlari deputatlari,  partiya faollari va yoshlar ishtirokida Kogon shahar va Jondor tumanlarida istiqomat qiluvchi Ikkinchi jahon urushi qatnashchilari xonadonlarida bo‘ldi.   Kogon shahar Mirzo Ulug‘bek mahalla fuqarolar yig‘ini "Ahillik” ko‘chasi 14-uy,  25-xonadonda yashovchi Ikkinchi jahon urushi qatnashchisi 95 yoshli onaxon Mariya Aliyeva xonadonidagi tashrif haqiqiy bayramga aylandi.   Urush qatnashchisi Mariya Aliyeva front ichidagi janglarda shaxsan ishtirok etgani, ko‘p hollarda jangovar texnikalarni o‘zi boshqarganini gapirib berdi.   Urushda ishtirok etib,  tank haydab, yovga tik boqqan onaxon qaqshatqich urushning og‘ir damlarini yodga olar ekan,  tinch va osuda kunlarga shukrona keltirdi.    Onaxon yoshlarga yurtga sadoqatli bo‘lib,  vatnaparvar bo‘lishlikning baxti,  oliy hikmati haqida gapirdi.   Mariya Aliyeva so‘zi davomida Prezident tomonidan faxriylarga ko‘rsatilayotgan e'zoz-ye'tibordan cheksiz mamnunligini izhor etdi.   Suhbat so‘ngida onaxonga esdalik sovg‘alari hamda salomatligi uchun zarur bo‘lgan dori-darmon vositalari taqdim etildi.

1 2 3 4 5 Категория: Har-Hil | Просмотров:1176 | Добавил: Moderator | Рейтинг: 0.0/0

Всего комментариев: 0