Главная » 2018 » May » 29 » Tailanddan qochib ketgan sobiq bosh vazir Buyuk Britaniyada o‘n yillik vizaga ega bo‘ldi

---

16:22 Tailanddan qochib ketgan sobiq bosh vazir Buyuk Britaniyada o‘n yillik vizaga ega bo‘ldi

2011—2014-yillarda Tailand bosh vaziri bo‘lgan va besh yil sirtdan qamoq jazosiga tayinlangan Yinglak Chinavat Buyuk Britaniyada o‘n yillik vizaga ega bo‘ldi, deb xabar beradi "TASS”. Hujjatga ko‘ra Chinavat Buyuk Britaniyaga erkin kirib chiqishi mumkin, biroq u bir kelganida mamlakat hududida olti oydan ko‘p bo‘la olmaydi. Tailand Tashqi ishlar vazirligi vakili Busadi Santipitaks jurnalistlarga rasmiy London Bangkokni ushbu qaror haqida ogohlantirmaganini aytib o‘tgan. "Biz bu qarordan yangiliklar orqali xabar topdik. Masala bo‘yicha boshqa axborotga ega emasmiz”, — deydi Santipitaks. U shuningdek, avvalroq Tailand hukumati Chinavat nomiga berilgan barcha pasportlarni bekor qilganini ham qo‘shimcha qildi. Tailand oliy sudi 2017-yilning 27-sentabrida Chinavatni davlat dasturini bajarishda sovuqqonlikka yo‘l qo‘yganlikda ayblagan edi.

1 2 3 4 5 Категория: Har-Hil | Просмотров:1076 | Добавил: Moderator | Рейтинг: 0.0/0

Всего комментариев: 0