Xalqaro koalitsiyaning Suriya va Iroqdagi operatsiyalari natijasida so‘nggi bir necha hafta davomida "Islom davlati” guruhining kamida yetti ming nafar jangarisi yo‘q qilindi, deya xabar bermoqda Associated Press Iordaniya harbiy havo kuchlari qo‘mondoni general Mansur Solih al Juburga tayanib."Biz logistika markazlari, qurol-yarog‘ omborlari va jangarilar boshpanalarini vayron qildik”, — dedi u. Al Jubur so‘zlariga ko‘ra, kampaniya boshidan buyon koalitsiyaning jangovar samolyotlari tomonidan  jami besh mingta parvoz amalga oshirilgan. Iordaniya armiyasi ma’lumotlariga ko‘ra, koalitsiya "Islom davlati” harbiy potensialining 20 foizga yaqinini yo‘q qilishga muvaffaq bo‘lgan.