Главная » 2020 » Iyul » 3 » Superliga 8-turining ikki uchrashuvi Toshkentga ko‘chirildi

---

17:52 Superliga 8-turining ikki uchrashuvi Toshkentga ko‘chirildi

Professional futbol ligasi (PFL) Сoсa-Сola Superliga 8-turidan o‘rin olgan ikki uchrashuvni Toshkent shahriga ko‘chirdi. Bu haqida tashkilot rasmiy saytida xabar bermoqda. "Superliga 8-tur doirasida "Surxon” — "Lokomotiv” o‘yini Termizda bo‘lib o‘tishi kerak edi. Ammo hozirda Termiz shahri Respublika maxsus komissiyasi tomonidan xavfsizlik darajasi bo‘yicha ajratilgan hududlar toifasiga ko‘ra "qizil”, ya’ni xavflilik darajasi yuqori bo‘lgan hududga kirgani uchun, o‘yin ikki tomonning roziligiga ko‘ra Toshkent shahriga ko‘chirildi. Jamoalarning ikkinchi davradagi bahsiga esa "Surxon” sport majmuasi mezbonlik qiladi. Shuningdek, bu turdan o‘rin olgan "Mash’al” — "Paxtakor” bellashuvi ham shu sabab tufayli Muborakda emas, Toshkentdagi "Paxtakor” markaziy stadionida bo‘lib o‘tadi”, — deyiladi xabarda. "Surxon” — "Lokomotiv” o‘yini 6-iyul, dushanba kuni, "Mash’al” — "Paxtakor” uchrashuvi esa 7-iyul, seshanba kuniga belgilangan.

1 2 3 4 5 Категория: Har-Hil | Просмотров:478 | Добавил: moderator | Теги: yangilik | Рейтинг: 0.0/0

Всего комментариев: 0