Onda-sonda ichib turasizmi? Choy, gazli ichimliklarni nazarda tutmayotganimizni yaxshi bilasiz. Agar spirtli ichimliklar iste'mol qilsangiz, ularning zaririni ham bilib qo‘yish ayni muddao.
Spirtli ichimliklar iste'mol jarayonida dastlab og‘izga, oshqozonga, qon aylanish tizimiga, miya, buyrak, o‘pka va jigarga o‘tadi. Xo‘sh, natijada u inson organizmiga qanday ta'sir ko‘rsatadi? Buni ayrim tana a'zolari misolida bilib olamiz.
Og‘iz
Spirtli ichimliklar tarkibida nozik membranalar mavjud bo‘lib, me'yoridan ortiq iste'mol qilinsa, og‘iz saratoni xavfini bir necha barobarga oshiradi.
Oshqozon
Haddan tashqari ko‘p spirtli ichimliklarni ichish oshqozonning yallig‘lanishi va yaralar soni ortishiga sabab bo‘ladi.
Miya
Spirtli ichimliklar miyaga yetib borganda, insonni boshqara boshlaydi va harakatini nazorat ostiga oladi. Qonda alkogol konsentratsiyasi oshgani sayin organizmning funksiyasi o‘zgaradi. Ya'ni:
ortiqcha gapirish holati yuzaga keladi;
muvozanat yo‘qoladi;
yurish tezligi pasayadi;
xotira susayadi;
ortiqcha hayajonlashish va g‘azablanish yuz beradi;
ba'zida o‘ta tajovuzkorlik, ba'zida esa himoyaga muhtojlik hissini uyg‘otadi;
nafas olish, yurak harakati keskin o‘zgaradi.
Buyrak
Spirtli ichimliklar chanqoqni qondira olmaydi va natijada buyrakning qurish xavfini yuzaga keltiradi.
Jigar
Alkogolli mahsulotlar jigardagi qon aylanish faoliyatini buzadi, normal to‘qimalarni shikastlaydi. Oqibatda insonda jigar sirrozi xavfi ortadi.
Buni eslab qoling! Ayrim holatlardagina shifokorlar tomonidan spirtli ichimliklarni ichish tavsiya etiladi va bunda turli zaharlanishlar oldi olinishi mumkin. Biroq me'yoridan ortiq iste'mol qilinganda salomatlikka jiddiy zarar yetkazish bilan bir qatorda inson salomatligini xavf ostida qoldiradi.