Главная » 2018 » May » 3 » Sobir Rahimov haykali ham o‘z joyiga qaytadi. Metro bekati nomichi?

---

14:44 Sobir Rahimov haykali ham o‘z joyiga qaytadi. Metro bekati nomichi?

Avvalroq, O‘zbekiston Respublikasi Prezidenti Shavkat Mirziyoyev joylardagi obodonlashtirish ishlari bilan tanishish maqsadida Namangan viloyatiga tashrif buyurganini xabar qilgan edik.   Mazkur viloyatga tashrifining birinchi kuni Prezident Norin tumani hokimiyatida viloyat faollari, hokimlar va sektor rahbarlari ishtirokida yig‘ilish o‘tkazgan edi.   Ushbu yig‘ilishda Shavkat Mirziyoyev 2011 yilda Toshkentdagi G‘afur G‘ulom istirohat bog‘iga quyilgan general Sobir Rahimov haykalini avvalgi joyiga qaytarish kerakligini ta'kidlab o‘tgan. Bu haqda "Qalampir.uz” manbasi xabar qildi.   Yodgorlik o‘z joyiga qaytarilsa, tarixiy adolat  tiklangan bo‘lar edi, deb aytgan Prezident.   Ma'lumot o‘rnida, 1981 yilda ochilgan ushbu haykal Toshkent shahri Sobir Rahimov tumani hokimiyati qarshisida joylashgan edi.   2010 yil oxirida ushbu tuman va bu yerdagi metropolitenning Sobir Rahimov bekati nomi "Olmazor”ga o‘zgartirilgan edi. Ammo ushbu metro bekati nomi Sobir Rahimov, deb o‘zgarishi borasida hozircha ma'lumot yo‘q.   Ta'kidlash kerakki, Sobir Rahimov 1902 yilda Toshkent shahrida tug‘ilgan. 1941-1945 yillarda Ikkinchi jahon urushi frontida janglar olib borgan va yosh bo‘lishiga qaramasdan general, Sobiq Ittifoq Qahramoni unvonlariga loyiq ko‘rilgan.   Eslatib o‘tamiz, Shavkat Mirziyoyev tomonidan "Obod qishloq” dasturiga oid masalalariga bag‘ishlangan videoselektor yig‘ilishida Toshkentdagi metropoliten bekati va "Istiqlol” san'at saroyi nomi "Xalqlar do‘stligi”, deb qayta nomlanishi topshirilgan edi.

1 2 3 4 5 Категория: Har-Hil | Просмотров:1256 | Добавил: Moderator | Рейтинг: 0.0/0

Всего комментариев: 0