Главная » 2020 » Fevral » 13 » Sirdaryoda 750 dollarga dron sotmoqchi bo‘lgan shaxsga jinoiy ish qo‘zg‘atildi

---

19:34 Sirdaryoda 750 dollarga dron sotmoqchi bo‘lgan shaxsga jinoiy ish qo‘zg‘atildi

Sirdaryo viloyatining Yangiyer shahrida uchuvchisiz uchadigan apparat (dron)ni 750 dollarga sotmoqchi bo‘lgan shaxs qo‘lga olindi. Bu haqda  Bosh prokuratura matbuot xizmati xabar berdi. Departamentning Yangiyer shahar bo‘limi tomonidan boshqa huquqni muhofaza qiluvchi organlar bilan hamkorlikda o‘tkazilgan tezkor tadbirda fuqaro X.M. Mavic pro nomli uchuvchisiz apparatni xaridorga 750 dollarga sotayotgan vaqtida ushlangan va apparat ashyoviy dalil sifatida olingan. Voqea yuzasidan X.M.ga nisbatan Jinoyat kodeksining 2444-moddasi 1-qismi (Uchuvchisiz uchadigan apparatlarni qonunga xilof ravishda olib kirish, o‘tkazish, olish, saqlash yoki ulardan foydalanish) bilan jinoyat ishi qo‘zg‘atilib, tergov harakatlari o‘tkazilmoqda. Ushbu moddada uch yilgacha ozodlikdan mahrum qilish jazosi belgilangan. O‘zbekiston qonunchiligiga ko‘ra, uchuvchisiz uchadigan apparatlarni qonunga xilof ravishda olib kirish, o‘tkazish, olish, saqlash yoki ulardan foydalanish taqiqlangan.

1 2 3 4 5 Категория: Har-Hil | Просмотров:513 | Добавил: moderator | Теги: yangilik | Рейтинг: 0.0/0

Всего комментариев: 0