Главная » 2021 » Iyun » 18 » Shunchaki dahshat: “Paxtakor” futbolchilarining yillik maoshi va mukofot pullari ma’lum qilindi

---

17:36 Shunchaki dahshat: “Paxtakor” futbolchilarining yillik maoshi va mukofot pullari ma’lum qilindi

"Paxtakor” futbol klubi o‘z futbolchilarining yillik maoshi va mukofot pullarini ochiqladi. Unga ko‘ra, shveysariyalik legioner Eren Derdiyok futbolchilar ichida eng ko‘p maosh oladi —yiliga 1,3 million yevro (16,4 milliard so‘m). Keyingi o‘rindagi Dragan Cheran esa yiliga 325 ming dollar (3,4 milliard so‘m) ishlab topadi. Asosiy tarkib vakillari bo‘lgan mahalliy futbolchilarning yillik maoshi bir xil — 153 120 000 so‘m. Biroq yillik mukofot pullarida farq bor. O‘zbekistonlik futbolchilar orasida eng ko‘p mukofotni Yegor Krimets oladi — 4 milliard so‘m. Sherzod A’zamov, Eldor Suyunov, Sardor Sobirxo‘jayev, Anzur Ismoilov, Farrux Sayfiyev, Abror Ismoilov va Aziz Turg‘unboyev kabi futbolchilarning yillik mukofot puli 1 milliard so‘mdan yuqori. Bosh murabbiy Piter Hyuistraning yillik maoshi 350 ming yevroni tashkil qiladi — 4,4 milliard so‘m. Avvalroq Toshkent shahar hokimi Jahongir Ortiqxo‘jayev "Paxtakor” vakillari bilan uchrashgani, endilikda futbolchilar topadigan mablag‘lar, mukofot pullari va boshqa hisobotlar klub rasmiy manbalarida e’lon qilib borilishi aytilgandi. Eslatib o‘tamiz, "Paxtakor” may oyida Toshkent shahar hokimligi tasarrufiga o‘tkazilishi va klub xarajatlari homiylar tomonidan qoplanishi ma’lum bo‘lgandi.

1 2 3 4 5 Категория: Har-Hil | Просмотров:80 | Добавил: moderator | Теги: yangilik | Рейтинг: 0.0/0

Всего комментариев: 0