Главная » 2017 » Mart » 31 » Shuncha dollar va tillani qanday yashirgan ekan bu ayol?

---

21:30 Shuncha dollar va tillani qanday yashirgan ekan bu ayol?

Toshkent viloyati bojxona boshqarmasi "G‘ishtko‘prik” bojxona kompleksi xodimlari yurtimizga qo‘shni davlatdan kirib kelgan fuqaro K.Qodirqulovaga tegishli qo‘l yuklari nazorat-rentgen apprati orqali ko‘zdan kechirilganda, ayol tomonidan bojxonachilarning ko‘zini shamg‘alat qilish maqsadida qo‘l yuklari ichidagi to‘qish uchun mo‘ljallangan ip kalavalardan birining orasiga 3000 AQSH dollari miqdoridagi naqd xorijiy valyuta yashirilgani aniqlandi, deya xabar berdi Toshkent viloyati bojxona boshqarmasi Axborot xizmati.   Kalavalardan yana birining orasiga esa 92 gramdan ortiq tilla taqinchoqlar yashirilgan ekan. Noqonuniy ravishda olib o‘tishga urinilgan mazkur 49 dona zargarlik buyumlarining umumiy qiymati dastlabki ma'lumotlarga ko‘ra salkam 12 mln. so‘mni tashkil qilmoqda.   Qonunbuzar ayol bojxona xodimlarining og‘zaki so‘rovi paytida va yo‘lovchi bojxona deklaratsiyasida ma'lum qilmasdan turib, avtotransport vositalari uchun mo‘ljallangan 3 dona antiradar, 2 dona uyali aloqa vositasi va 1 dona DVD pleyerni ham noqonuniy ravishda olib kirishga uringan ekan.   Fuqaro K.Qodirqulovaning qiymati taxminan 25 mln. so‘mdan ortiq bo‘lgan tovar-moddiy boyliklarni noqonuniy ravishda olib kirishi yuzasidan bojxona tekshiruvlari va surishtiruv jarayonlari davom ettirilmoqda.

1 2 3 4 5 Категория: Har-Hil | Просмотров:2113 | Добавил: Admin | Теги: Shuncha dollar va tillani qanday ya | Рейтинг: 0.0/0

Всего комментариев: 0