Главная » 2022 » Sentyabr » 13 » “SHHTning ilg‘or g‘oyalari va tinchliksevarligi tashkilot a’zolari safini kengaytirmoqda” — ekspert

---

20:41 “SHHTning ilg‘or g‘oyalari va tinchliksevarligi tashkilot a’zolari safini kengaytirmoqda” — ekspert

Shanxay Hamkorlik Tashkilotining (SHHT) ilg‘or konsepsiyalari va tinchliksevarligi uning a’zolari safini kengaytirishga yordam berdi, kelajakda yanada ko‘proq mamlakatlar tashkilotga a’zo bo‘lishi kutilmoqda, dedi xalqaro munosabatlar bo‘yicha xitoylik ekspert. SHHT 2001-yilda Shanxayda Xitoy, Qozog‘iston, Qirg‘iziston, Rossiya, Tojikiston va O‘zbekiston tomonidan tashkil etilgan. Hindiston va Pokiston 2017-yilda tashkilotga to‘liq a’zo sifatida qo‘shilgan. Hozirda SHHTga a’zo davlatlar hududi dunyo quruqlik maydonining to‘rtdan bir qismini egallaydi va ularning umumiy aholisi dunyo aholisning qariyb yarmini tashkil qiladi. 2021-yilda SHHTga a’zo davlatlar iqtisodiyotlarining umumiy hajmi qariyb 23,3 trillion AQSH dollarini tashkil etib, jahon yalpi ichki mahsulotining qariyb chorak qismiga teng bo‘ldi. SHHT doirasida turli sohalardagi hamkorlik barcha tomonlar uchun barqaror rivojlanish muhitini yaratdi, iqtisodiy va madaniy sohalarda ham samarali natijalar olib keldi, deydi ekspertlar. "SHHT terrorizm va ekstremizmga aniq ta’rif berilgan birinchi xalqaro tashkilotdir. Tashkilot terrorizmni yo‘q qilish bo‘yicha konsepsiya va harakatda o‘z izlanishlarini amalga oshirdi. SHHT har bir a’zosi bir-birini taniydigan katta oilani barpo etdi. Bu tahsinga sazovor bo‘lgan katta yutuq”, — dedi Xitoy xalqaro tadqiqotlar institutida Yevrosiyo tadqiqotlar direktori Li Siguo. 2021-yilda Xitoy va SHHTga a’zo boshqa davlatlar o‘rtasidagi tovar ayirboshlash hajmi avvalgi yilning shu davriga nisbatan 40 foizga oshib, 343,1 milliard AQSH dollarini tashkil etdi. Xitoy ta’sischi a’zo sifatida SHHT rivojiga ko‘maklashish tarafdori ekanini ta’kidlab, "Shanxay ruhi”ning zamonaviy ma’nosini ilg‘or g‘oyalar va aniq harakatlar bilan boyitdi. Qayd etilishicha, 15—16-sentabr kunlari Samarqand shahrida bo‘lib o‘tadigan SHHT sammitida Eronning tashkilotga a’zo bo‘lish tartibini ilgari surish bilan bir qatorda, Belarusni qabul qilish jarayoni boshlanishi, shuningdek, tegishli mamlakatlarga muloqot bo‘yicha hamkorlar maqomi berilishi kutilmoqda.

1 2 3 4 5 Категория: Har-Hil | Просмотров:363 | Добавил: moderator | Теги: yangilik | Рейтинг: 0.0/0

Всего комментариев: 0