Главная » 2017 » Oktyabr » 16 » Shavkat Mirziyoyev yangi saylangan Qirg‘iziston prezidentini tabrikladi

---

17:43 Shavkat Mirziyoyev yangi saylangan Qirg‘iziston prezidentini tabrikladi

Avvalroq, Qirg‘izistonda saylov bo‘lib o‘tishi hamda Sooronbay Jeenbekovning hayot yo‘li haqida ma'lumotlar berib o‘tgan edik.   O‘zbekiston Respublikasi Prezidenti Shavkat Mirziyoyev Sooronbay Jeenbekovni Qirg‘iziston Respublikasi prezidenti lavozimiga saylangani munosabati bilan tabrikladi.   TIV Matbuot xizmati bergan xabarda Shavkat Mirziyoyev Jeenbekovning g‘alabasi chuqur islohotlar, o‘zgarishlar, aholi farovonligi, jamiyatda tinchlik, barqarorlik va totuvlikni ta'minlashga qaratilgan dasturlarni Qirg‘iziston xalqi tomonidan keng qo‘llab-quvvatlanishidan dalolat berishini ta'kidlagani keltirib o‘tilgan.   Xabarda ikki tomonlama hamkorlikni yanada kengaytirishga katta e'tibor qaratilayotgani aytilgan.   "So‘nggi yillarda erishilgan yuqori darajadagi konstruktiv siyosiy muloqot va tomonlarning mavjud muammolarni hal qilish uchun o‘zaro hurmat hamda umumiy manfaatlarni hisobga olish prinsiplari asosida ish olib borishi yanada rivojlanishiga ishonchim komil”, - deya ta'kidlanadi Shavkat Mirziyoyevning maktubida.   O‘zbekiston Respublikasi Prezidenti Sooronbay Jeenbekovga mustahkam sog‘lik va ma'suliyatli davlat faoliyatida muvaffaqiyatlar tilagan bo‘lsa, Qirg‘iziston xalqiga tinchlik va farovonlik tiladi.

1 2 3 4 5 Категория: Har-Hil | Просмотров:1735 | Добавил: Admin | Теги: Shavkat Mirziyoyev yangi saylangan | Рейтинг: 0.0/0

Всего комментариев: 0