Главная » 2020 » Fevral » 19 » Shavkat Mirziyoyev va Rajab Toyyib Erdo‘g‘on o‘rtasida muzokaralar bo‘lib o‘tdi

---

21:07 Shavkat Mirziyoyev va Rajab Toyyib Erdo‘g‘on o‘rtasida muzokaralar bo‘lib o‘tdi

O‘zbekiston Prezidenti Shavkat Mirziyoyev Turkiya rahbarining taklifiga binoan mazkur davlatga tashrif buyurgani haqida xabar berilgan edi. Turkiya prezidenti saroyida O‘zbekiston Prezidentini rasmiy kutib olish marosimi bo‘lib o‘tdi. Bu haqda O‘zbekiston Prezidenti matbuot xizmati xabar berdi. Ma’lum qilinishicha, O‘zbekiston Prezidenti sharafiga faxriy qorovul saf tortdi. Shavkat Mirziyoyev va Rajab Toyyib Erdo‘g‘on shohsupaga ko‘tarildi. O‘zbekiston va Turkiyaning davlat madhiyalari yangradi. Prezidentlar faxriy qorovul safi oldidan o‘tdi. Shundan so‘ng davlatlar rahbarlarining tor doiradagi uchrashuvi boshlandi. Unda mamlakatlar o‘rtasidagi siyosiy, savdo-iqtisodiy, madaniy-gumanitar hamkorlikni yanada rivojlantirish masalalari atroflicha muhokama qilindi. O‘zaro manfaatli imkoniyatlarni ishga solish, yangi loyiha va dasturlarni amalga oshirish uchun Savdo-iqtisodiy hamkorlik bo‘yicha hukumatlararo komissiya yig‘ilishlarini muntazam o‘tkazish zarurligi ta’kidlandi. Transport sohasidagi aloqalarni kengaytirish, Turkiya orqali Yevropaga multimodal xalqaro tashuvlarni yo‘lga qo‘yish muhimligi qayd etildi. Intensiv bog‘dorchilik, baliqchilik, chorvachilik, naslchilik yo‘nalishlarida Turkiyaning ilg‘or tajribasini o‘zlashtirish, universitetlar va ilmiy markazlar bilan qo‘shma tadqiqotlar olib borish masalalariga to‘xtalib o‘tildi. O‘zbekistonda zamonaviy qo‘shma klinikalar va diagnostika markazlari tashkil etish, kichik biznes, to‘qimachilik kabi yo‘nalishlarda qo‘shma ta’lim dasturlarini amalga oshirish taklifi ko‘rib chiqildi. Samimiy ruhda o‘tgan uchrashuvda ikki tomonlama siyosiy muloqot va ko‘p qirrali hamkorlikni mustahkamlashga intilish qat’iy ekani yana bir bor tasdiqlandi. Tomonlarni qiziqtirgan mintaqaviy va xalqaro masalalar yuzasidan fikr almashildi.

1 2 3 4 5 Категория: Har-Hil | Просмотров:570 | Добавил: moderator | Теги: yangilik | Рейтинг: 0.0/0

Всего комментариев: 0