Главная » 2017 » Yanvar » 2 » Shavkat Mirziyoyev Rajab Toyib Erdo‘g‘anga ta'ziya bildirdi

---

18:12 Shavkat Mirziyoyev Rajab Toyib Erdo‘g‘anga ta'ziya bildirdi

Avvalroq, 2016 yilning 31 dekabridan 2017 yilning 1 yanvariga o‘tar kechasi Turkiyaning Istanbul shahridagi Reina tungi klubida terakt amalga oshirilgani, Santa klaus kiyimida klubga kirib kelgan shaxs odamlarga qarata o‘q uzgani, natijada 39 kishi halok bo‘lib, 69 kishi jarohatlangani haqida xabar bergan edik. Mazkur voqyea Yangi yilning ilk terakti sifatida qayd etildi.   O‘zbekiston Respublikasi Prezidenti Shavkat Mirziyoyev Turkiya Respublikasi Prezidenti Rajab Toyib Erdo‘g‘anga va qardosh turk xalqiga Istanbul shahrida sodir etilgan mudhish terrorchilik harakati oqibatida ko‘plab insonlarning halok bo‘lganligi munosabati bilan ta'ziya izhor etdi. Bu haqda O‘zbekiston Respublikasi Tashqi ishlar vazirligi Matbuot xizmati xabar bermoqda.   Davlat rahbari o‘z maktubida qurbon bo‘lganlarning oila a'zolari va yaqinlariga hamdardlik tuyg‘ularini yetkazib qo‘yishni so‘rab, jarohat olganlarga qisqa muddatda sog‘ayib ketishlarini tilagan.

1 2 3 4 5 Категория: Har-Hil | Просмотров:1769 | Добавил: Admin | Теги: Shavkat Mirziyoyev Rajab Toyib Erdo | Рейтинг: 0.0/0

Всего комментариев: 0