Главная » 2020 » May » 17 » Shavkat Mirziyoyev Qozog‘iston Prezidentini tabrikladi

---

14:20 Shavkat Mirziyoyev Qozog‘iston Prezidentini tabrikladi

O‘zbekiston Respublikasi Prezidenti Shavkat Mirziyoyev 17 may kuni Qozog‘iston Respublikasi Prezidenti Qosim-Jomart To‘qayev bilan telefon orqali muloqot qildi. Suhbat avvalida davlat rahbari Qozog‘iston Prezidentini tavallud kuni bilan samimiy tabriklab, unga mustahkam sog‘lik, farovonlik va yangi zafarlar, qardosh Qozog‘iston xalqiga esa tinchlik va ravnaq tiladi. Ta’kidlanishicha, Sardoba suv omboridagi favqulodda hodisa oqibatlarini bartaraf etish, shuningdek koronavirus infeksiyasi tarqalishining ikki tomonlama savdo-iqtisodiy aloqalarga salbiy ta’sirini kamaytirish bo‘yicha yo‘lga qo‘yilgan samarali hamkorlik va amalga oshirilayotgan ishlar alohida mamnuniyat bilan qayd etildi. Prezidentlar yangi xatalar va umumiy tahdidlarni yengib o‘tish uchun yaqin hamkorlikni davom ettirish muhim ekanini ta’kidladidar. O‘zbekiston-Qozog‘iston munosabatlarining dolzarb masalalari ko‘rib chiqildi. Muloqotning institutsional mexanizmlarini hamda o‘zaro savdo va investitsiyalar ko‘rsatkichlarini oshirishga qaratilgan birgalikdagi sa’y-harakatlarni faollashtirish, sanoat, qishloq xo‘jaligi, transport va logistika sohalari, boshqa ustuvor tarmoqlarda istiqbol yo‘nalish va loyihalarni ilgari surish zarurligi alohida ta’kidlandi. Xalqaro siyosatga oid qator masalalar yuzasidan ham fikr almashildi. Muloqot yakunida O‘zbekiston Respublikasi va Qozog‘iston Respublikasi Prezidentlari qardosh mamlakatlar o‘rtasidagi do‘stlik, yaxshi qo‘shnichilik va strategik sheriklik munosabatlarini yanada mustahkamlashda qat’iy ekanliklarini tasdiqladilar.

1 2 3 4 5 Категория: Har-Hil | Просмотров:545 | Добавил: moderator | Теги: yangilik | Рейтинг: 0.0/0

Всего комментариев: 0