Главная » 2017 » Mart » 15 » Shahzoda tez kunda kutilmagan yo‘nalishdagi qo‘shig‘i va uning klipini namoyish etadi.

---

11:04 Shahzoda tez kunda kutilmagan yo‘nalishdagi qo‘shig‘i va uning klipini namoyish etadi.

Bundan bir necha kun oldin estradamizning maftunkor xonandasi Shahzoda muxlislari uchun ajoyib sovg‘a tayyorlayotgani haqida xabar bergan edik. Bugun esa mazkur tuhfa borasidagi aniq ma'lumotlarni birinchilardan bo‘lib sizlarga ma'lum qilmoqchimiz.Hozirgi kunda may oyida bo‘lib o‘tadigan yakkaxon konsert dasturiga katta tayyorgarlik olib borayotgan xonanda o‘z yo‘nalishidan butkul farq qiladigan va siz kutmagan uslubdagi yangi qo‘shig‘ini yozib tugatdi. Bu qo‘shiqning nomi "Yomg‘ir” deb nomlanadi.Qo‘shiq Nodir Azimov so‘zi, Iqbol Muhammad musiqasi va Ahliyor Azimov aranjirovkasi bilan yaratilgan. So‘nggi ikki kun ichida mazkur kompozitsiya uchun videoklip ham tasvirga olindi. Serqirra ijodkorlar Sarvar va Komil rejissyorligida yaratilayotgan klipning bosh qahramonini yaratish har doimgidek mahoratli aktyor Ulug‘bek Qodirovga topshirildi. Bundan anglash mumkinki,  klip syujetida xonandaning o‘zi ham ishtirok etadi. Tasvirchilar "Shohona creative group” studiyasining operatorlari Shahzod va Begzod.Bilamizki, bu juftlik yaratgan har bir obrazi u xoh klip bo‘lsin, xoh kino xalqimizga manzur keladi va muxlislar ularni har doim qayta kashf etishadi. Bu safar ham ular kutilmagan obrazlarda namoyon bo‘lib, o‘z muxlislarini lol koldirishi tayin. Shunday ekan, tez kunda taqdim etilishi rejalashtirilayotgan klipni kutib qoling va bizni kuzatib boring.

1 2 3 4 5 Категория: Har-Hil | Просмотров:1470 | Добавил: Admin | Теги: Shahzoda tez kunda kutilmagan yo‘na | Рейтинг: 0.0/0

Всего комментариев: 0