Главная » 2020 » Iyul » 2 » Shahar sharoiti uchun noqulay bo‘lgan yo‘ltanlamaslar nomi e’lon qilindi

---

09:16 Shahar sharoiti uchun noqulay bo‘lgan yo‘ltanlamaslar nomi e’lon qilindi

Germaniyadagi Environmental Action Germany ekologik tashkiloti shahar sharoitida haydash noqulay bo‘lgan avtomobillar ro‘yxatini taqdim etdi. Reytingdan BMW, Range Rover, Mercedes-Benz modellari ham o‘rin olgan, deb yozadi Duh. Ekologlarning tanqidiga, asosan, quyidagi yo‘ltanlamas va krossoverlar uchragan: BMW X7 M50i, Range Rover Sport SVR, Audi Q7 Plug-In, Volkswagen Amarok Aventura va Mercedes-Benz GLS. Mutaxassislarning hisoblashicha, mazkur transport vositalaridan shahar sharoitida foydalanish noqulay, shuningdek, ular atrof-muhitga katta zarar yetkazadi. Ekomutaxassislar har bir avtomobilga izoh berar ekan, ularning yoqilg‘i sarfi va havoga chiqaradigan zararli moddalari darajasi haqida ma’lumot berib o‘tgan. Masalan, BMW X7 M50i 100 kilometr masofaga 15 litr yoqilg‘i sarflaydi. Avtomobil har bir kilometrga 357 gramm karbonat angidrid chiqaradi. Bundan tashqari, mashina o‘lchamlari oddiy garajlarga mo‘ljallanmagan. Shuningdek, Range Rover Sport SVR ham ekologiyaga jiddiy zarar yetkazadi — 390 gramm zararli gaz. Bu amaldagi normalardan to‘rt barobarga ko‘p demak. Audi Q7 Plug-In’ning ko‘rsatkichlari ham juda yomon — kilometriga 302 gramm. Volkswagen Amarok Aventura dizel pikapining dvigateli eskirgan "Yevro-6” normalariga mos kelgani uchun "iflos” deb ataldi. Ekspertlar, shuningdek, uning o‘lchamlari va havo chiqaradigan karbonat angidrid (276 gramm) miqdoridan ham norozi. Antireytingdan Mercedes-Benz GLS ham o‘rin olgan. Ushbu modeldan havoga chiqadigan zararli gazlar miqdori — kilometriga 459,3 grammga teng. Avvalroq Rossiyadagi eng qulay avtomobillar reytingi tuzilgani to‘g‘risida xabar berilgandi. Unda eng qulay avtomobil deya Mercedes-Benz tanlangan edi.

1 2 3 4 5 Категория: Har-Hil | Просмотров:449 | Добавил: moderator | Теги: yangilik | Рейтинг: 0.0/0

Всего комментариев: 0