Главная » 2020 » Mart » 7 » Saudiya Arabistonida davlatga xiyonatda ayblanib qirollik oilasining ikki a’zosi qo‘lga olindi

---

19:04 Saudiya Arabistonida davlatga xiyonatda ayblanib qirollik oilasining ikki a’zosi qo‘lga olindi

Saudiya hukumati mamlakat qirolining ukasi Ahmad bin Abdulaziz va jiyani Muhammad bin Nayef bin Abdulazizni hibsga oldi. "RBK”ning yozishicha, bu haqda taxtga yaqin manbalariga asoslanib, Wall Street Journal (WSJ) xabar bermoqda. Qayd etilishicha, bunga ularning davlatga xiyonatda gumonlangani sabab bo‘lgan. Ularning aybdorligi isbotlangan taqdirda ikkovi ham uzoq muddatli qamoq yoki o‘lim jazosiga hukm qilishini mumkin. Nashrda aytilishicha, qo‘lga olinganlar qirollik taxtiga davogar va qirolning o‘g‘li, valiahd shahzoda Muhammad bin Salmonning ehtimoliy raqiblari hisoblangan. Ularning ikkalasi ham bir vaqtning o‘zida Saudiya Arabistoni Ichki ishlar vazirligiga rahbarlik qilgan, ammo yaqinda ularning pozitsiyalari sezilarli darajada zaiflashgan. Qayd etilishicha, terrorizmga qarshi kurashishga mas’ul bo‘lgan Muhammad bin Nayef uzoq vaqt Amerika razvedka xizmatlarining ishonchli hamkori hisoblangan. 2017-yilda u ichki ishlar vaziri lavozimini tark etishga majbur bo‘lganida AQSh davlat departamenti bundan juda xafa bo‘lgan. Eslatib o‘tamiz, 2017-yilning 5-noyabrida 11 nafar shahzoda, to‘rt nafar amaldagi va o‘nlab sobiq vazir korrupsiyaga aloqador ishlar yuzasidan hibsga olingan edi. 22-yanvar kuni ular 100 milliard dollar to‘lagan taqdirda hukumat ularni ozod qilish va hibsga olingan shahzodalardan barcha ayblovlarni olib tashlashga tayyor ekanligini bildirgan edi. Milliardlab dollar kompensatsiya to‘langanidan so‘ng Ar-Riyoddagi Ritz Carlton besh yulduzli mehmonxonasida ushlab turilgan barcha yuqori mansab egalari va biznesmenlar qo‘yib yuborilgan.  Saudiya Arabistoni budjetiga mazkur kompensatsiya to‘lovlaridan yuz milliard dollardan ko‘proq mablag‘ tushgan.

1 2 3 4 5 Категория: Har-Hil | Просмотров:492 | Добавил: moderator | Теги: yangilik | Рейтинг: 0.0/0

Всего комментариев: 0