Главная » 2018 » Iyul » 19 » Saraton kasalligiga sabab bo‘luvchi yana bir holat aniqlandi

---

18:01 Saraton kasalligiga sabab bo‘luvchi yana bir holat aniqlandi

Barselona shahridagi Global salomatlik instituti tadqiqotchilari uyquga ketishdan ikki soatdan kam vaqt ichida ovqatlanish odati ko‘krak bezi va prostatada saraton yuzaga kelishi ehtimolini oshiradi degan xulosaga keldilar.   Mutaxassislar 621 nafar prostata saratoniga chalingan bemorlar va 1205 nafar ko‘krak bezida saratoni bor bemorlarning kasalliklarini tahlil qilib chiqqanlar. Bundan tashqari, ular ongologik kasalliklarga chalinmagan 1321 nafar ayol va 872 nafar erkakdan nazorat guruhini ham yig‘ganlar va ulardan qaysi vaqtda ovqatlanishi va uxlashi haqida so‘raganlar.   Natijada olimlar uxlashdan kamida ikki soat avval ovqatlanganlarda ovqatlaniboq uxlovchilarga nisbatan ko‘krak bezida saraton yuzaga kelishi xavfi 16 foizga, prostatada ongologik kasallikning kelib chiqishi 26 foizga kam bo‘lishini aniqlaganlar.   Bu saratondan saqlanish uchun odatiy tavsiyalarga amal qilganlarda yanayam ta'sirliroq bo‘lib chiqqan.   Olimlarning so‘zlariga ko‘ra, ko‘krak bezi va prostatada saraton kasalligi turli garmonlarning kun davomidagi bir maromda bo‘ladigan faolligi bilan bog‘liq. Shuning uchun, ovqatni kech tanovvul qilish, garmonlarning bir maromdagi harakatini buzadi va natijada saraton keltirib chiqaradi.   Jahon sog‘liqni saqlash tashkiloti ma'lumotiga ko‘ra, yiliga sakkiz mingdan bir milliongacha odam ko‘krak bezi saratoniga chalinadi.

1 2 3 4 5 Категория: Har-Hil | Просмотров:1290 | Добавил: Moderator | Рейтинг: 0.0/0

Всего комментариев: 0