Главная » 2017 » Avgust » 31 » Samvel Babayan: mag‘lubiyatga loyiq emasdik...

---

20:58 Samvel Babayan: mag‘lubiyatga loyiq emasdik...

JCH–2018 turniriga saralash bosqichi "A” guruhi 9-turidan o‘rin olgan Xitoy–O‘zbekiston uchrashuvi mezbonlarning kichik (1:0) hisobdagi g‘alabasi bilan yakunlangani haqida xabar bergandik.   Uchrashuv yakunlanganidan so‘ng o‘tkazilgan matbuot anjumanida O‘zbekiston termasi bosh murabbiyi Samvel Babayan o‘yin haqida o‘z fikrlarini bildirib o‘tdi.   "...O‘yinni qiyin o‘yin o‘tkazdik va afsuski, mag‘lubiyatga uchradik. Bugun omad bizdan yuz o‘girdi, omad raqib tomonda bo‘ldi.   O‘yin uchun barcha futbolchilarga rahmat aytaman, ular maydonda bor kuchlarini berib harakatlanishdi. Afsuski, o‘yin yakunlanib borayotganda darvozamiz tomon penalti belgilandi.   Bunday mag‘lubiyatga loyiq emasdik... O‘yin yakunida Marchello Lippiga omad ularga kulib boqqanini aytdim. Qaytarib aytaman, biz bugun mag‘lubiyatga loyiq emasdik.    Raqibni hurmat qilgan holda shuni aytishim kerakki, Toshkentda bo‘lgani kabi bu yerda ham g‘alaba qozonishimiz kerak edi. Ammo bir qancha imkoniyatlardan foydalana olmadik.   Birinchi navbatda Xitoy bilan o‘yinni xotirjamlik bilan o‘rganib chiqishimiz kerak. Shundan keyin Janubiy Koreyaga qarshi o‘yinga tayyorgarlik ko‘ramiz.    Jahon chempionatiga chiqish uchun imkoniyat saqlanib qoldi. Barchasi Toshkentda, Janubiy Koreyaga qarshi o‘yinda hal bo‘ladi”, dedi Samvel Babayan.   Eslatib o‘tamiz, O‘zbekiston terma jamoasi 5 sentyabr kuni Toshkentdagi "Bunyodkor” stadionida Janubiy Koreyaga qarshi bahs olib boradi. Uchrashuv chiptalarini "Bunyodkor” stadioni kassalaridan xarid qilishingiz mumkin.

1 2 3 4 5 Категория: Har-Hil | Просмотров:1384 | Добавил: Admin | Теги: Samvel Babayan: mag‘lubiyatga loyiq | Рейтинг: 0.0/0

Всего комментариев: 0