Главная » 2016 » Mart » 8 » Samsung va Philips o‘z televizorlarida 3D texnologiyasidan voz kechadi

---

12:53 Samsung va Philips o‘z televizorlarida 3D texnologiyasidan voz kechadi

Samsung va Philips korporatsiyalari o‘z televizorlarida 3D texnologiyasini qo‘llashdan voz kechishlarini ma’lum qildi. Bu haqda Forbes’ga asoslanib, TJournal xabar bermoqda. 2016-yildan ikki kompaniyaning yangi televizorlari 3D funksiyasisiz chiqariladi. Bu talabning pastligi, shuningdek, ushbu formatga mo‘ljallab tayyorlanadigan kontentning ozligi bilan tushuntirildi. "3D o‘ldi. U rostan ham hech kimga kerak emas. Yana u televizorlarni juda murakkablashtirib yuboradi. Texnologiya shunchaki iste’molchilarning talablariga javob bermaydi”, — dedi Philips’ning mahsulotlarni rejalashtirish bo‘yicha direktori Denni Tek. Boshqa kompaniyalar ham 3D TV ishlab chiqarish hajmini kamaytirmoqda. 2016-yilda LG bunday televizorlarni 2015-yilgiga nisbatan ikki barobar kamroq ishlab chiqaradi, Sony esa texnologiyani faqat top modellarida qoldiradi. Shunga qaramay, 3D-kinoteatrlar anchayin daromadli biznesga aylanib ulgurgan, shu bois ushbu texnologiyaning butunlay yo‘qolib ketishi ehtimoldan uzoq, deb hisoblaydi mutaxassislar.

1 2 3 4 5 Категория: Har-Hil | Просмотров:1224 | Добавил: Admin | Теги: Samsung va Philips o‘z televizorlar | Рейтинг: 0.0/0

Всего комментариев: 0