Главная » 2020 » Mart » 20 » Samarqandda qalbaki pul yasagan fuqarolardan biri qamaldi, birining 3 yilga ozodligi cheklandi

---

16:34 Samarqandda qalbaki pul yasagan fuqarolardan biri qamaldi, birining 3 yilga ozodligi cheklandi

Samarqandda qalbaki pul yasab, muomalaga chiqargan fuqarolardan biri 3 yil 8 oyga qamaldi, birining esa 3 yilga ozodligi cheklandi. Bu haqda Jinoyat ishlari bo‘yicha Samarqand shahar sudi sudyasi Farrux Samadov xabar bermoqda. Ma’lum bo‘lishicha, 2019-yil 19-dekabr kuni soat 13:00 da fuqaro M.K. va U.U. Samarqand shahar, Buyuk ipak yo‘li ko‘chasida ijarada turuvchi uyida (10 ming so‘mlik kupyuralarda) jami 360 ming so‘m qalbaki pul yasagan. So‘ngra mazkur pullardan 90 ming so‘mga savdo do‘konidan tovar mahsulotlarini xarid qilib, qalbaki pulni muomalaga chiqargan. Ekspertiza xulosasiga ko‘ra, daliliy ashyo sifatida olingan 10 ming so‘mlik, jami 360 ming so‘m pul qalbaki ekanligi va printer yordamida tayyorlanganligi ma’lum bo‘lgan. Sudlanuvchi M.K. Jinoyat kodeksining 176-moddasi 2-qismi "v” bandi (bir guruh shaxslar tomonidan oldindan til biriktirib qalbaki pul, aksiz markasi yoki qimmatli qog‘ozlar yasash, ularni o‘tkazish) bilan aybli deb topilib, 3 yil 8 oy muddatga ozodlikdan mahrum qilingan bo‘lsa, U.U.ga 3 yil muddatga ozodlikni cheklash jazosi tayinlangan.

1 2 3 4 5 Категория: Har-Hil | Просмотров:581 | Добавил: moderator | Теги: yangilik | Рейтинг: 0.0/0

Всего комментариев: 0