Главная » 2022 » May » 24 » Samarqandda omborxona yerida 2 ming tup marixuana yetishtirgan shaxslar tekshiruv paytida ularga o‘t qo‘ydi

---

11:07 Samarqandda omborxona yerida 2 ming tup marixuana yetishtirgan shaxslar tekshiruv paytida ularga o‘t qo‘ydi

Samarqand viloyatining Past Darg‘om tumani Juma shahrida joylashgan sement saqlash omborxonasidagi taxminan 4 sotix yer maydonida yashirin ravishda 2 ming tup marixuana giyohvandlik o‘simligini yetishtirish bilan shug‘ullangan shaxslar ushlandi. Bu haqda viloyat IIB axborot xizmati xabar berdi. Ma’lum qilinishicha, kelib tushgan ma’lumotlar asosida DXX va IIB xodimlari tomonidan tezkor tadbir o‘tkazilgan. Tadbir davomida haqiqatan ham omborxonada giyohvandlik o‘simligi borligi, uni 46 yoshli fuqaro ekkani, o‘simlikni 38 va 30 yoshli shaxslar parvarish qilib kelgani aniqlangan. Tezkor tadbir o‘tkazilayotganidan xabar topgan shaxslar omborxonaga o‘t qo‘yib yuborgan. Natijada 2 ming tup marixuanadan 1,4 ming tupga yaqini yonib ketgan. Tadbir davomida 610 tup marixuana o‘simligi hujjatlashtirib olingan. Holat yuzasidan 3 nafar shaxsga nisbatan Jinoyat kodeksining 273-moddasi 5-qismi bilan jinoyat ishi qo‘zg‘atilib, gumonlanuvchilar qo‘lga olingan. Avvalroq Samarqandda uch nafar fuqaro omborxonada 610 tup marixuana parvarishlab kelgani aniqlangandi.

1 2 3 4 5 Категория: Har-Hil | Просмотров:314 | Добавил: moderator | Теги: yangilik | Рейтинг: 0.0/0

Всего комментариев: 0