Главная » 2020 » Iyun » 26 » Samarqandda Milliy gvardiya xodimi daryoda cho‘kayotgan ayolni qutqarib qoldi

---

21:00 Samarqandda Milliy gvardiya xodimi daryoda cho‘kayotgan ayolni qutqarib qoldi

Milliy gvardiya xodimi Zarafshon daryosining Samarqand shahridan oqib o‘tuvchi qismida suvga cho‘kib ketayotgan ayolni qutqarib qoldi. Bu haqda Milliy gvardiya Samarqand viloyati Qo‘riqlash boshqarmasi axborot xizmatiga tayanib, "Kun.uz” xabar berdi. Ma’lumotlarga ko‘ra, daryo ustidagi ko‘prik yaqinida turgan Milliy gvardiya qo‘riqlash boshqarmasi 1-alohida batalyoni safdor xodimlari A.Rabbonov hamda F.Qarshiyev soat 9:20 lar atrofida to‘lqinlar ichida odam ovozi eshitilayotganini payqab qolgan. Daryo hududi ko‘zdan kechirilganda, ayol kishi suvga cho‘kib ketayotgani ma’lum bo‘lgan. Shunda xodimlar zudlik bilan daryoga sho‘ng‘ib, ayolni qirg‘oqqa olib chiqishga muvaffaq bo‘lgan. Shoshilinch ravishda tez yordam chaqirilgan, ular yetib kelgunga qadar birinchi tibbiy yordam ham ko‘rsatilgan. "Shunday qilib, daryoda cho‘kishiga bir bahya qolgan inson hayoti saqlab qolindi. Ayni vaqtda fuqaro Respublika shoshilinch tez tibbiy yordam Samarqand filiali 3-xirurgiya bo‘limiga yotqizilgan bo‘lib, shifokorlar nazoratiga olingan. Hozirda holat yuzasidan surishtiruv ishlari olib borilmoqda”, — deyiladi xabarda.

1 2 3 4 5 Категория: Har-Hil | Просмотров:615 | Добавил: moderator | Теги: yangilik | Рейтинг: 0.0/0

Всего комментариев: 0