Главная » 2020 » Fevral » 22 » Samarqandda ayolning ustiga simyog‘och ag‘darildi. Voqea joyidan o‘tayotgan “tez yordam” mashinasidagi shifokorlar unga yordam bermagan

---

22:04 Samarqandda ayolning ustiga simyog‘och ag‘darildi. Voqea joyidan o‘tayotgan “tez yordam” mashinasidagi shifokorlar unga yordam bermagan

Samarqandning Mahmud Koshg‘ariy ko‘chasida 35-maktab oldida homilador ayol va besh yoshli o‘g‘lini simyog‘och bosib qoldi, deya xabar bermoqda. Hodisa guvohlaridan birining ta’kidlashicha, avvaliga qarsillagan baland ovoz, so‘ng bolaning yig‘isi eshitilgan. Shundan so‘ng bir necha kishi voqea joyi yaqinidan o‘tib ketayotgan "tez yordam” mashinasini to‘xtatgan. "Ammo shifokorlar boshqa chaqiriqqa ketayotganini ro‘kach qilib, yordam bermagan”, — deyiladi xabarida. Qo‘ng‘iroq qilib chaqirilgan ikkinchi "tez yordam” brigadasi 15—20 daqiqa o‘tib yetib kelgan. Bungacha odamlarning o‘zi simyog‘ochni ko‘tarib, ayolni chiqarib olgan va jabrlanuvchilarni kasalxonaga yetkazib borgan. "E’tiborli tomoni, yordam berish uchun to‘xtagan taksi haydovchisi jabrlangan ayolning turmush o‘rtog‘i bo‘lib chiqqan”, — deyiladi xabarda. Hodisa natijasida ayolda miya chayqalishi kuzatilgan, bir qator tan jarohatlari olgan. Bolaning esa oyog‘i jarohatlangani aytilmoqda. Ta’kidlanishicha, aholi simyog‘och avariya holatida turgani haqida bir necha bor shikoyat qilgan, ammo rasmiylar hech qanday chora ko‘rmagan.

1 2 3 4 5 Категория: Har-Hil | Просмотров:669 | Добавил: moderator | Теги: yangilik | Рейтинг: 0.0/0

Всего комментариев: 0