Главная » 2020 » Iyul » 1 » Rossiyalik virusologlar Qozog‘istonda koronavirusga qarshi kurashish uchun “Uchta T” taktikasini taklif qildi

---

13:18 Rossiyalik virusologlar Qozog‘istonda koronavirusga qarshi kurashish uchun “Uchta T” taktikasini taklif qildi

Rossiyalik mutaxassislar Qozog‘istonda koronavirus bilan kurashish uchun "Uchta T” taktikasini joriy qilishni taklif qildi, deya xabar beradi "RBK” Sog‘liqni saqlash instituti direktori Larisa Popovichning so‘zlariga ko‘ra, Qozog‘istondagi epidemik choralar o‘zini oqlaydi, shuningdek, o‘lim sonining keskin ko‘payishini oldini olishning boshqa usullari yo‘q. "Virus qaytalanmasligiga hech kim javob berolmaydi. Vaksina va ommaviy immunitet mavjud bo‘lmagan holda "Uchta T” strategiyasini amalga oshirish kerak. "Uchta T” quyidagi choralarni o‘z ichiga oladi: Traffic – chegaralarni yopish; Testing – kasallikni erta aniqlash uchun keng ko‘lamli tahlil; Tracing – alomatsiz virus tashuvchi va infeksion zanjirni buzish uchun bemor bilan aloqada bo‘lganlarni nazoratga olish. Biz ushbu strategiyani amalga oshirishni o‘rgandik”, — deydi Larisa Popovich. Olimlarning aytishicha, Qozog‘istondagi keskin vaziyat Rossiyaga ta’sir qilmaydi. Lekin bu karantin choralarini kuchaytirmaslikka ham asos bo‘la olmaydi. Eslatib o‘tamiz, 29-iyun kuni o‘tkazilgan yig‘ilishda Qozog‘iston prezidenti Qosim-Jo‘mart To‘qayev davlat komissiyasiga koronavirus infeksiyasining tarqalishi tezlashgani sababli mamlakatda joriy yilning mart oyidan may oyigacha amalda bo‘lgan qattiq karantinga o‘xshash choralarni ishlab chiqish va ularni joriy qilish yuzasidan taklif kiritishni topshirdi. So‘nggi bir hafta davomida Qozog‘istonda koronavirus infeksiyasi bilan kasallangan 3,5 mingdan ortiq bemor aniqlandi, bu bir hafta oldingidan ko‘ra 826 holatga ko‘pdir. Hozirda mamlakatda kasallik qayd qilinganlar umumiy soni 21,8 mingdan oshdi, shundan 183 kishi vafot etdi. Avvalroq Qozog‘iston sog‘liqni saqlash vaziri Yeljan Birtanov lavozimidan ozod qilinib, uning o‘rnini o‘rinbosari Aleksey Soy egallagani haqida xabar berilgandi. Sobiq vazirda 14-iyun kuni koronavirus aniqlangani ma’lum qilingan edi. Shuningdek, Qozog‘istonning birinchi prezidenti Nursulton Nazarboyevda ham koronavirus aniqlangani aytilgan edi.

1 2 3 4 5 Категория: Har-Hil | Просмотров:408 | Добавил: moderator | Теги: yangilik | Рейтинг: 0.0/0

Всего комментариев: 0