Главная » 2018 » Iyul » 13 » Rossiyalik olim ozon qatlamidagi teshik yana paydo bo‘layotganini ma’lum qildi

---

08:06 Rossiyalik olim ozon qatlamidagi teshik yana paydo bo‘layotganini ma’lum qildi

Antarktida ustidagi 2017-yilda yopilgan ozon qatlami teshigi kuzda yana paydo bo‘ladi, biroq 2040-yilga borib sezilarli darajada "ozishi” mumkin. Bu haqda Rossiyaning Butunjahon yovvoyi tabiat jamg‘armasi dasturi rahbari Aleksey Kokorin "RIA Novosti”ga ma’lum qilgan. Avvalroq Yevropa kosmik agentligi Antarktida hududining yarmini egallagan ozon qatlami teshigi 2017-yil 26-noyabrda yopilganini ma’lum qilgan. Mazkur ma’lumotlar Yevropaning Sentinel-SP kosmik apparatidan olingan. Kokorinning aytishicha, ozon teshigining so‘nggi bir necha o‘n yillikdagi statistikasi uning kichrayayotgani va 2040-yilga borib uning o‘rtacha o‘lchami 1970-yildagi o‘lchamga teng bo‘lishini ko‘rsatgan. Uning so‘zlariga ko‘ra, Antarktida ustidagi ozon tuynugi har yili taxminan sentabr oyidan noyabrgacha, havo juda sovuq, biroq quyosh nuri bor paytda yuzaga keladi. Ekspertning qayd etishicha, gap ozon tuynugining umuman bo‘lmagani haqida ketmayapti, masala uning geografik miqyosida, ozonning 18—22 kilometr balandlikdagi konsentratsiyasida. Tuynukning o‘zi avval ham bo‘lgan, hozir ham bor, bundan keyin ham bo‘ladi.

1 2 3 4 5 Категория: Har-Hil | Просмотров:1225 | Добавил: Moderator | Рейтинг: 0.0/0

Всего комментариев: 0