Kareliyadagi Vigozero ko‘li tubidan meteorit topildi. Bu haqda "Kosmopoisk” tadqiqot hamjamiyati rahbari Vadim Chernobrovga asoslanib "Rossiyskaya gazeta” xabar bermoqda. Ekspeditsiya 1-dekabr kuni uyushtirilgan. Qayd etilishicha, meteorit muzdan iborat. Meteorit tushgan hududda radiatsiya darajasi oshgan. Ekspeditsiya ishtirokchilari tushgan kosmik obyektdan, shuningdek atrofdagi muz va tuproqdan namunalar olgan.

Avvalroq 1-dekabr kuni mahalliy vaqt bilan soat 8 da Kareliyaning Segej rayonidagi Vigozero ko‘liga noma’lum jism tushib, qirg‘oqning bir qismini o‘pirgani va muzda diametri to‘rt metrlik tuynuk ochgani xabar berilgan. Mahalliy baliqchilarning bu haqidagi xabaridan so‘ng yetib kelgan favqulodda vaziyatlar vazirligi xodimlari ko‘l tubidan hech nima topa olmagach, bu yerga "Kosmopoisk” ekspeditsiyasi jo‘natilgan.