Главная » 2017 » Dekabr » 20 » Rossiyada qaysi pul banknotlari ko‘proq qalbakilashtiriladi

---

02:14 Rossiyada qaysi pul banknotlari ko‘proq qalbakilashtiriladi

Har bir davrda amaldagi pulni qalbakilashtirish bo‘lgan. Tarixda ayrim davlatlar, o‘zlariga dushman deb hisoblagan mamlakatlarning iqtisodiyotini sindirish uchun qalbaki pullar zarb etishgan. Hozirgi vaqtda ham bunday jinoyatlar ayrim shaxslar yoki guruhlar tomonidan sodir etilishi tez-tez uchrab turadi.   Rossiya Markaziy banki Rossiyada eng ko‘p qalbakilashtiriladigan banknotlar to‘g‘risidagi ma'lumotlarni e'lon qildi. Markaziy bankning to‘qqiz oylik hisobotiga ko‘ra, Rossiyada eng ko‘p qalbakilashtiriladigan pul 5 000 rubllik qiymatga ega bo‘lgan banknotdir. Joriy yilning uch choragi davomida 6185 marta bu banknotning qalbakilashtirilgani aniqlangan. Shuningdek, 1 000 rubllik banknot 4401 marta, 500 rubllik banknot 108 marta, 100 rubllik banknot 32 marta, 50 rubllik banknot 11 marta, 10 rubllik banknot 1 marta qalbakilashtirilgan. Ko‘rinib turibdiki, pulni qalbakilashtiradiganlar ham "mo‘may” foydani ko‘zlashgan.   Qalbaki pullar eng ko‘p muoamalada bo‘ladigan hudud Rossiyaning markazi, eng kam uchraydigan hudud deb, Uzoq Sharq hududi belgilangan.     Shuningdek, Rossiyada muomalada aniqlangan xorijiy davlatlarning qalbaki pullari to‘g‘risidagi ma'lumot ham berilgan. Shu yilning to‘qqiz oyi davomida, 872 dona qalbaki xorijiy banknotlar aniqlangan. Buning 804 donasi AQSH dollari banknoti bo‘lgan. Qolganlari yevro, funt sterling va xitoy yuanidan iborat bo‘lgan.

1 2 3 4 5 Категория: Har-Hil | Просмотров:1375 | Добавил: Admin | Теги: Rossiyada qaysi pul banknotlari ko‘ | Рейтинг: 0.0/0

Всего комментариев: 0