Главная » 2020 » Mart » 18 » Rossiyada harbiylar va mahbuslar tibbiyot niqoblarini ishlab chiqarishga jalb etiladi

---

15:25 Rossiyada harbiylar va mahbuslar tibbiyot niqoblarini ishlab chiqarishga jalb etiladi

Rossiya bosh vaziri Mixail Mishustin Sanoat va savdo, Mudofaa, Ta’lim, Fan va oliy ta’lim vazirliklari hamda "Rosgvardiya”ga harbiylar va talabalarga shaxsiy himoya vositalarini ishlab chiqarish uchun sharoitlar yaratib berish vazifasini qo‘ydi, deb xabar beradi "RBK”. Shuningdek, Mishustin shaxsiy himoya vositalarini, xususan, tibbiyot niqoblarini ishlab chiqarish uchun mahbuslarni ham jalb etish bo‘yicha Adliya vazirligi va Federal Jazoni ijro etish xizmatiga vazifa qo‘ygan. "Ular har kuni himoya vositalarini ishlab chiqarishi kerak, ko‘rsatmada shunday deyilgan”, — deb yozadi nashr. Bundan tashqari, Sanoat va savdo vazirligiga shaxsiy gigiyena vositalarini iste’molchilarga, shu jumladan "Rossiya pochtasi” va onlayn-savdo orqali yetkazib berish uchun logistika yaratish vazifasi yuklatilgan. Sog‘liqni saqlash vazirligi va Aloqa vazirligi koronavirus haqida eng so‘nggi ma’lumotlarga ega bo‘lgan maxsus internet-resursni ishlab chiqishi, Federal xavfsizlik xizmati esa hukumatdagi barcha uchrashuvlarni videokonferentsiyalar orqali o‘tkazish imkoniyatini yaratishi kerak. Nashr hukumat va Sanoat va savdo vazirligiga bu borada so‘rov yuborgan. Avvalroq Moskva sog‘liqni saqlash boshqarmasining dori ta’minoti markazi tibbiy niqoblarni chakana narxdan 2—5 baravar qimmatga sotib olgani haqida xabar berilgandi. Moskva meri Sergey Sobyanin koronavirus sabab shaharda yuqori shaylik rejimini joriy etgan. 17-mart holatiga ko‘ra, Rossiyada koronavirus bilan kasallanganlar soni 114 kishiga yetgan.

1 2 3 4 5 Категория: Har-Hil | Просмотров:645 | Добавил: moderator | Теги: yangilik | Рейтинг: 0.0/0

Всего комментариев: 0