Главная » 2023 » Avgust » 4 » Rossiyada Favqulodda vaziyatlar vazirligi va xususiy qo‘riqlash tashkilotlariga dronlarni urib tushirishga ruxsat berildi

---

17:22 Rossiyada Favqulodda vaziyatlar vazirligi va xususiy qo‘riqlash tashkilotlariga dronlarni urib tushirishga ruxsat berildi

Rossiya prezidenti Vladimir Putin kuchishlatar tizim vakillari, Favqulodda vaziyatlar vazirligi va xususiy qo‘riqlash tashkilotlariga (XQT) o‘z mas’uliyati doirasida dronlarning harakatlanishini to‘xtatish huquqini berish to‘g‘risidagi qonunni imzoladi. Qonunga ko‘ra, huquqni muhofaza qilish organlari (Ichki ishlar vazirligi, Federal xavfsizlik xizmati, Rossiya gvardiyasi, Federal qo‘riqlash xizmati, Tashqi razvedka xizmati, Federal jazoni ijro etish xizmati), shuningdek, idoraviy xavfsizlik tashkilotlari havodagi, suvdagi va yerdagi har qanday dronlarning harakatlanishini to‘xtatish huquqiga ega. Dronlarga qarshi kurashish vakolatlari, shuningdek, Davlat feldyegerlik xizmati xodimlari va Rossiya Favqulodda vaziyatlar vazirligi qutqaruv harbiy qismlarining harbiy xizmatchilariga ham tegishli. Shuningdek, yangi qonunga ko‘ra, dronlarni terrorizmga qarshi xavfsizlik talablari belgilangan obyektlarni qo‘riqlovchi xususiy qo‘riqlash kompaniyalari xodimlari ham urib tushirishi mumkin. 1-avgustga o‘tar kechasi Moskvaga yana dronlar hujumi uyushtirildi. Ulardan ikkitasi shaharga yaqinlashganida havo mudofaasi tomonidan urib tushirilgan bo‘lsa, uchinchisi avvalgi hujumda shikastlangan "Moskva Siti” biznes markazidagi binoga kelib urilgan.

1 2 3 4 5 Категория: Har-Hil | Просмотров:107 | Добавил: moderator | Теги: yangilik | Рейтинг: 0.0/0

Всего комментариев: 0